நட்பே துணை.... 96 பட பாணியில் ஸ்கூல் நண்பர்களோடு ரீயூனியனில் கலந்துகொண்ட தனுஷ் - வைரலாகும் போட்டோஸ்

தமிழ் திரையுலகில் படு பிசியான நடிகராக வலம் வரும் தனுஷ், தன்னுடைய பள்ளி நண்பர்களுடன் ரீயூனியனில் கலந்துகொண்ட புகைப்படம் வெளியாகி உள்ளது.

இயக்குனர் கஸ்தூரி ராஜாவின் மகனான தனுஷ், துள்ளுவதோ இளமை படம் மூலம் ஹீரோவாக அறிமுகமானார். ஆரம்ப காலகட்டத்தில் கடுமையான விமர்சனங்களை எதிர்கொண்ட தனுஷ், இன்று தமிழ் சினிமாவில் தவிர்க்க முடியாத நடிகராக உருவெடுத்துள்ளார். இதற்கு காரணம் அவரின் கடின உழைப்பு தான். தற்போது கோலிவுட் மட்டுமின்றி பாலிவுட், டோலிவுட், ஹாலிவுட் என செம்ம பிசியான நடிகராக வலம் வந்துகொண்டிருக்கிறார் தனுஷ்.

தனுஷ் நடித்துள்ள கேப்டன் மில்லர் திரைப்படம் வருகிற டிசம்பர் 15-ந் தேதி திரைக்கு வர உள்ளது. இப்படத்தை அருண் மாதேஸ்வரன் இயக்கி உள்ளார். தற்போது தனுஷ் நடிப்பில் டி50 திரைப்படம் தயாராகி வருகிறது. இப்படத்தில் தனுஷ் ஹீரோவாக நடிப்பதோடு மட்டுமின்றி அவரே இயக்கியும் வருகிறார். சன் பிக்சர்ஸ் நிறுவனம் பிரம்மாண்ட பொருட்செலவில் தயாரிக்கும் இப்படத்திற்கு ராயன் என பெயரிடப்பட்டு உள்ளதாக கூறப்படுகிறது.

இதையும் படியுங்கள்... அசோக் செல்வன் - கீர்த்தி பாண்டியன் இடையே காதல் மலர காரணமே பா.இரஞ்சித் தானாம் - கியூட் லவ் ஸ்டோரியின் பின்னணி

ராயன் படத்தை தொடர்ந்து இந்தியில் ராஞ்சனா படத்தின் இரண்டாம் பாகத்தில் நடிக்க உள்ளார் தனுஷ். இதுதவிர தெலுங்கில் சேகர் கம்முலா இயக்கத்தில் ஒரு படம், தமிழில் மாரி செல்வராஜ் இயக்கத்தில் ஒரு படம், கமல்ஹாசன் தயாரிப்பில் நெல்சன் இயக்கும் படம், வெற்றிமாறனுடன் வட சென்னை 2, செல்வராகவனின் ஆயிரத்தில் ஒருவன் 2-ம் பாகம் என தனுஷ் கைவசம் உள்ள படங்களின் பட்டியல் நீண்டுகொண்டே செல்கிறது.

கிட்டத்தட்ட அடுத்த 5 ஆண்டுகளுக்கு கால்ஷீட் கொடுக்க முடியாத அளவுக்கு அடுத்தடுத்த படங்களில் செம்ம பிசியாக நடித்து வரும் தனுஷ், அண்மையில் தனது பள்ளி நண்பர்களை சந்தித்துள்ளார். சென்னையில் உள்ள நட்சத்திர ஓட்டலில் தன்னுடன் பள்ளியில் படித்த நண்பர்களை அழைத்து ரியூனியன் ஒன்றை நடத்தி இருக்கிறார் தனுஷ். அந்த ரீயூனியனில் எடுக்கப்பட்ட புகைப்படங்கள் இணையத்தில் வைரலாகி வருகின்றன. இந்த சந்திப்பின் போது தன்னுடைய பள்ளிப்பருவ நினைவுகளை நண்பர்களோடு பகிர்ந்து மகிழ்ந்துள்ளார் தனுஷ்.

இதையும் படியுங்கள்... நார்வேயில் தல - தளபதி! சிங்கிளாக அஜித்... திரிஷாவுடன் ஜோடியாக வலம் வரும் விஜய் - லீக் ஆன போட்டோ