Rolex சூர்யாவுக்கே டஃப் கொடுப்பார் போல... அஜித்தின் வில்லன் கெட்-அப் பார்த்து மெர்சலான ரசிகர்கள்

AK 61 Ajith look : ஏகே 61 படத்தில் பணியாற்றும் நடனக் கலைஞர்கள் மற்றும் தொழில்நுட்ப கலைஞர்களுடன் நடிகர் அஜித் தனித்தனியாக போட்டோ எடுத்துக்கொண்டார். அந்த புகைப்படங்கள் வெளியாகி வைரலாகி வருகின்றன.

வலிமை படத்தின் வெற்றிக்கு பின் அஜித் நடிப்பில் தற்போது உருவாகி வரும் படம் ஏ.கே.61. எச்.வினோத் இயக்கும் இப்படத்தில் அஜித்துக்கு ஜோடியாக பிரபல மலையாள நடிகை மஞ்சு வாரியர் நடித்து வருகிறார். மேலும் ஜான் கொக்கேன், மகாநதி ஷங்கர் ஆகியோர் இப்படத்தில் முக்கிய கதாபாத்திரத்தில் நடித்து வருகின்றனர்.

போனி கபூர் தயாரிப்பில் பிரம்மாண்டமாக தயாராகி வரும் இப்படத்திற்கு ஜிப்ரான் இசையமைக்கிறார். நீரவ் ஷா ஒளிப்பதிவு பணிகளை மேற்கொள்கிறார். இப்படத்தின் படப்பிடிப்பு ஐதராபாத்தில் உள்ள ராமோஜி பிலிம் சிட்டியில் விறுவிறுப்பாக நடைபெற்று வருகிறது. இதற்காக பிரம்மாண்ட அரங்குகள் அமைக்கப்பட்டு ஷூட்டிங் நடத்தப்பட்டு வருகிறது.

ஏகே 61 படத்தில் நடிகர் அஜித் இரட்டை வேடத்தில் நடித்து வருவதாக கூறப்படுகிறது. அதில் ஒன்று வில்லன் கதாபாத்திரமாம். இதற்காக உடல் எடையை குறைத்துள்ள அஜித் நீண்ட தாடி, காதில் கடுக்கன் என செம்ம கெத்தான தோற்றத்திற்கு மாறி உள்ளார். அவரின் இந்த கெட் அப் செம்ம மாஸாக இருப்பதாக ரசிகர்கள் தெரிவித்து வந்தனர்.

இந்நிலையில், ஏகே 61 படத்தில் பணியாற்றும் நடனக் கலைஞர்கள் மற்றும் தொழில்நுட்ப கலைஞர்களுடன் நடிகர் அஜித் தனித்தனியாக போட்டோ எடுத்துக்கொண்டார். வெள்ளை நிற சட்டையும் பேண்ட்டும் அணிந்து செம்ம மாஸான கெட் அப்பில் இருக்கும் அஜித்தின் புகைப்படங்கள் சமூக வலைதளங்களில் வைரலாகி வருகின்றன. இதைப்பார்த்த ரசிகர்கள் விக்ரம் படத்தில் வரும் ரோலெக்ஸ் சூர்யாவுக்கே டஃப் கொடுக்கும் வகையில் அஜித்தின் வில்லன் கெட்-அப் இருப்பதாக கமெண்ட் செய்து வருகின்றனர்.

இதையும் படியுங்கள்...Legend saravanan : முதல் படத்திலேயே அஜித்தை ஓரங்கட்டிய அண்ணாச்சி... லெஜண்ட் டிரைலர் படைத்த வேறலெவல் சாதனை