Ajith : நடிகர் அஜித் தனது நண்பர்களுடன் ஜாலியாக பைக் ட்ரிப் சென்றபோது எடுத்த புகைப்படங்கள் சமூக வலைதளங்களில் வெளியாகி வைரலாகி வருகின்றன.
தமிழ் சினிமாவில் எந்த வித பின்புலமும் இன்றி அறிமுகமாக தனது விடாமுயற்சியால் இன்று தலைசிறந்த நடிகராக உயர்ந்திருப்பவர் நடிகர் அஜித். இவருக்கென மிகப்பெரிய ரசிகர் பட்டாளமே உள்ளது. இவரது நடிப்பில் தற்போது ஏ.கே.61 திரைப்படம் தயாராகி வருகிறது. அஜித்தின் 61-வது படமான இதை எச்.வினோத் இயக்கி வருகிறார்.
இவர் இயக்கத்தில் ஏற்கனவே நேர்கொண்ட பார்வை, வலிமை போன்ற படங்களில் இணைந்து பணியாற்றிய அஜித், தற்போது மூன்றாவது முறையாக அவருடன் கூட்டணி அமைத்துள்ளார். வங்கிக் கொள்ளையை மையமாக வைத்து இப்படத்தின் திரைக்கதை அமைக்கப்பட்டு உள்ளதாக கூறப்படுகிறது. இப்படத்தில் அஜித்துடன் நடிகை மஞ்சு வாரியரும் முக்கிய கதாபாத்திரத்தில் நடித்துள்ளார்.
இதையும் படியுங்கள்... சென்னையில் புதிதாக சொகுசு வீடு வாங்கிய நடிகர் விஜய்... அதன் விலை தெரிஞ்சா ஷாக் ஆகிடுவீங்க..!
போனி கபூர் தயாரிப்பில் பிரம்மாண்டமாக உருவாகி வரும் இப்படத்திற்கு ஜிப்ரான் இசையமைக்கிறார். நீரவ் ஷா ஒளிப்பதிவு செய்கிறார். இப்படத்தின் ஷூட்டிங் தற்போது இறுதிக்கட்டத்தை எட்டி உள்ளது. இப்படத்தை இந்த ஆண்டு இறுதியில் திரைக்கு கொண்டுவர படக்குழு திட்டமிட்டுள்ளது. கிறிஸ்துமஸ் விடுமுறையில் இப்படம் வெளியாகலாம்.
இந்நிலையில், நடிகர் அஜித் தற்போது தனது நண்பர்களுடன் ஜாலியாக பைக் ட்ரிப் சென்றுள்ளார். அப்போது எடுத்த புகைப்படங்கள் வெளியாகி வைரலாகி வருகின்றன.
அதில் அவர் ஓட்டிச் சென்ற பைக்கில் ‘Never Ever Give Up’ என்கிற ஸ்டிக்கரும் இடம்பெற்று உள்ளது. இது விவேகம் படத்தில் அவர் பேசிய பஞ்ச் டயலாக் ஆகும். சிவா இயக்கிய இப்படத்தில் நடிகர் அஜித், மிகவும் ரிஸ்க் எடுத்து நடித்து இருந்தார். இருப்பினும் இப்படம் பிளாப் ஆனது குறிப்பிடத்தக்கது.
இதையும் படியுங்கள்... நடிகர் விஜய் சேதுபதியின் உடன் பிறந்த சகோதரி ஜெயஸ்ரீயை யார் தெரியுமா? ஒரு தொழிலதிபரா.. பலரும் அறிந்திடாத தகவல்!