Nikki Galrani Marriage : கல்யாணத்துக்கு தயாரான காதல் ஜோடி... ஆதி-நிக்கி கல்ராணி ஜோடியின் திருமண தேதி அறிவிப்பு

Nikki Galrani Marriage : மரகத நாணயம் மற்றும் யாகாவராயினும் நாகாக்க ஆகிய படங்களில் நடிகர் ஆதிக்கு ஜோடியாக நடிகை நிக்கி கல்ராணி நடித்திருந்தார்.

தமிழில் மிருகம், அய்யனார், அரவாண் என பல்வேறு ஹிட் படங்களில் நடித்து பிரபலமானவர் ஆதி. இவர் தற்போது பிறமொழி படங்களில் பிசியாக நடித்து வருகிறார். இவர் தற்போது லிங்குசாமி இயக்கத்தில் உருவாகி வரும் வாரியர் படத்தில் வில்லனாக நடித்து வருகிறார். இப்படத்தின் ஷூட்டிங் இறுதிக்கட்டத்தை எட்டி உள்ளது.

நடிகர் ஆதிக்கும், நடிகை நிக்கி கல்ராணிக்கும் இடையே கடந்த சில ஆண்டுகளுக்கு முன்னர் காதல் மலர்ந்தது. தமிழில் ஜிவி பிரகாஷின் டார்லிங் படம் மூலம் அறிமுகமான நிக்கி கல்ராணி, கலகலப்பு 2, ஹரஹர மகாதேவகி, உள்ளிட்ட படங்களில் நடித்துள்ளார். நடிகர் ஆதியுடனுன் இணைந்து மரகத நாணயம் மற்றும் யாகாவராயினும் நாகாக்க படத்தில் நடித்திருந்தார் நிக்கி.

கடந்த சில ஆண்டுகளாக காதலித்து வந்த இவர்களுக்கு அண்மையில் திருமணம் நிச்சயமானது. இந்த நிகழ்வில், இருவரின் நெருங்கிய உறவினர்கள் மற்றும் நண்பர்கள் மட்டுமே கலந்துகொண்டனர். அவர்கள் இருவரும் ஜோடியாக எடுத்த புகைப்படங்களும் வெளியாகி வைரல் ஆகின.

இந்நிலையில், நடிகர் ஆதிக்கும், நடிகை நிக்கி கல்ராணிக்கும் வருகிற மே 18-ந் தேதி திருமணம் நடைபெற உள்ளதாக தகவல் வெளியாகி உள்ளது. சென்னையில் உள்ள தனியார் நட்சத்திர ஓட்டலில் இவர்களது திருமணம் நடக்க இருக்கிறதாம். அன்று இரவே திருமண வரவேற்பு நிகழ்ச்சியையும் நடத்தி முடிக்க திட்டமிட்டுள்ளார்களாம்.

இதையும் படியுங்கள்... Nayanthara New movie : ஓடிடி-யில் ஹாட்ரிக் ரிலீஸுக்கு தயாரான நயன்தாரா... சர்ப்ரைஸாக வந்த மாஸ் அப்டேட்