முதல்முறையாக தேசிய விருதை தட்டித்தூக்குவாரா சூர்யா... எதிர்பார்ப்பில் ரசிகர்கள் - இன்று வெளியாகிறது அறிவிப்பு

இந்திய அளவில் உயரிய விருதாக கருதப்படுவது தேசிய விருது. அதனை வென்றவர்கள் யார் யார் என்பது குறித்த பட்டியல் இன்று மாலை 4 மணிக்கு அறிவிக்கப்பட உள்ளது.

இந்தியளவில் வெளியான சிறந்த படங்களை அங்கீகரிக்கும் வகையில் ஆண்டுதோறும் மத்திய அரசு சார்பில் தேசிய விருதுகள் வழங்கப்பட்டு வருகின்றன. அந்த வகையில் கடந்த 2020-ம் ஆண்டு வெளியான படங்களுக்கான தேசிய விருதுகள் இன்று அறிவிக்கப்பட உள்ளன. இன்று மாலை 4 மணிக்கு டெல்லியில் நடைபெறும் நிகழ்ச்சியில் இந்த விருதுப் பட்டியல் அறிவிக்கப்பட உள்ளன.

2020-ம் ஆண்டு தியேட்டரில் ரிலீசான படங்கள் மிகவும் குறைவு. ஏனெனில் அந்த ஆண்டு தான் இந்தியாவில் கொரோனா பாதிப்பு உச்சமடைந்தது. இதனால் திரையரங்குகள் கிட்டத்தட்ட 8 மாதங்களுக்கு மேல் மூடப்பட்டு இருந்தன. அதேபோல் அந்த ஆண்டு பெரும்பாலான படங்கள் நேரடியாக ஓடிடி தளங்களில் ரிலீஸ் செய்யப்பட்டன.

அந்த படங்களுக்கும் சென்சார் சான்றிதழ் வழங்கப்பட்டுள்ளதால், அவைகளும் தேசிய விருதுக்கு விண்ணப்பிக்கலாம் என அறிவிக்கப்பட்டது. அதன்படி தமிழில் சூர்யாவின் சூரரைப் போற்று, விஜய் சேதுபதியின் க.பெ.ரணசிங்கம் ஆகிய படங்கள் விண்ணப்பித்துள்ளன. இந்த இரண்டு படங்களுக்கும் நிச்சயம் தேசிய விருது கிடைக்கும் என எதிர்பார்க்கப்படுகிறது.

இதையும் படியுங்கள்.... அமெரிக்காவில் ஆபரேஷன் சக்சஸ்... சென்னை திரும்பியதும் சிம்புவின் திருமணம் குறித்து TR சொன்ன குட் நியூஸ்

குறிப்பாக சூரரைப் போற்று படத்துக்காக நடிகர் சூர்யாவுக்கு சிறந்த நடிகருக்கான தேசிய விருது கிடைக்க அதிக வாய்ப்புள்ளதாக கூறப்படுகிறது. அப்படி கிடைத்தால் அது அவர் வாங்கும் முதல் தேசிய விருதாக இருக்கும். நடிகர் சூர்யா நாளை பிறந்தநாள் கொண்டாட உள்ள நிலையில், இன்று தேசிய விருது அறிவிப்பில் அவரது பெயர் இடம்பெற்றால் அது அவருக்கான சிறந்த பிறந்தநாள் பரிசாக இருக்கும் என ரசிகர்கள் எதிர்பார்க்கின்றனர். அது நடக்குமா என்பதை பொறுத்திருந்து தான் பார்க்க வேண்டும்.

இந்த இரண்டு படங்களை தவிர போஸ் வெங்கட் இயக்கிய கன்னிமாடம், புதுமுகங்கள் நடித்த காவல்துறை உங்கள் நண்பன் ஆகிய திரைப்படங்களும் தேசிய விருதுக்கு அனுப்பப்பட்டுள்ளன. கடந்த முறை தமிழ் திரையுலகை சேர்ந்த படங்களுக்கு 6 விருதுகள் கிடைத்த நிலையில் இந்த ஆண்டும் அதிகப்படியான விருதுகளை தமிழ் படங்கள் வெல்லும் என எதிர்பார்க்கப்படுகிறது.

இதையும் படியுங்கள்.... நான் நிர்வாணமா நடிச்சா உனக்கென்ன.. பீச்சில் ஹாயாக வாக்கிங் சென்ற பயில்வானை பொளந்துகட்டிய இரவின் நிழல் பட நடிகை