11, 12-வது படிக்கிறீங்களா? உங்களுக்கு ஒரு சூப்பர் நியூஸ்! மத்திய அரசின் ஃப்ரீ ஆன்லைன் கோர்ஸ்!

மத்திய அரசின் 'சுவயம்' கல்வித் தளம் 11 மற்றும் 12-ஆம் வகுப்பு மாணவர்களுக்கு இலவச ஆன்லைன் படிப்புகளை வழங்குகிறது. பிப்ரவரி 20, 2026-க்குள் பதிவு செய்து, வீடியோ பாடங்கள் மற்றும் சுய மதிப்பீட்டுத் தேர்வுகள் மூலம் கற்று, இறுதியில் சான்றிதழ் பெறலாம்.

'சுவயம்' ஆன்லைன் கோர்ஸ்

மத்திய அரசின் 'சுவயம்' (SWAYAM) கல்வித் தளம் மூலம் 11 மற்றும் 12-ஆம் வகுப்பு மாணவர்களுக்காக பல்வேறு ஆன்லைன் படிப்புகள் (MOOCs) அறிமுகப்படுத்தப்பட்டுள்ளன. அறிவியல், கலை மற்றும் வணிகவியல் என அனைத்துப் பிரிவுகளிலும் வழங்கப்படும் இந்தப் படிப்புகள் முற்றிலும் இலவசமானவை.

யார் சேரலாம்?

• 11 மற்றும் 12-ஆம் வகுப்பு மாணவர்கள், ஆசிரியர்கள், பெற்றோர்கள் மற்றும் ஆர்வமுள்ள எவர் வேண்டுமானாலும் இதில் சேரலாம்.

• விண்ணப்பிக்க கடைசி நாள்: பிப்ரவரி 20, 2026.

• படிப்பின் காலம்: மொத்தம் 24 வாரங்கள். இந்தப் படிப்புகள் மார்ச் 6, 2026-க்குள் நிறைவடையும்.

• சிறப்பம்சங்கள்: வீடியோ பாடங்கள் (Video Lectures), பிரத்யேகப் பாடக்குறிப்புகள், சுய மதிப்பீட்டுத் தேர்வுகள் மற்றும் சந்தேகங்களைத் தீர்க்க ஆன்லைன் கலந்துரையாடல் தளங்கள் போன்ற வசதிகள் இதில் உள்ளன.

பதிவு செய்வது எப்படி?

இந்த இலவசப் படிப்புகளில் சேர விரும்பும் மாணவர்கள் பின்வரும் எளிய வழிமுறைகளைப் பின்பற்றலாம்:

இணையதளம்: முதலில் swayam.gov.in என்ற இணையதளத்திற்குச் சென்று உங்கள் விவரங்களைப் பதிவு செய்யவும்.

படிப்பைத் தேர்வு செய்தல்: உங்களுக்கு விருப்பமான பாடத்தைத் தேர்வு செய்து இலவசமாக 'Enroll' செய்யவும்.

எப்படி கற்றுக்கொள்ளலாம்?

வீடியோக்கள்: பாடங்களை வீடியோக்கள் மூலம் கற்றுக்கொண்டு, கொடுக்கப்படும் பயிற்சிகளை முடிக்கவும்.

சான்றிதழ்: படிப்பின் இறுதியில் நடத்தப்படும் இறுதித் தேர்வில் பங்கேற்று தேர்ச்சி பெறுபவர்களுக்குச் சான்றிதழ் வழங்கப்படும்.

சிறந்த கல்வியாளர்களால் வடிவமைக்கப்பட்ட இந்தத் தளம், மாணவர்கள் தங்களின் பாடங்களை இன்னும் ஆழமாகப் புரிந்துகொள்ள ஒரு சிறந்த வாய்ப்பாகும்.