2026ல் தங்க விலை கீழே விழப் போகிறதா.? நிபுணர்கள் கொடுத்த ஷாக் ரிப்போர்ட்!

2026ல் தங்கத்தின் விலை குறையுமா என்ற கேள்வி பரவலாக உள்ளது. தங்கத்தின் எதிர்கால விலைப்போக்கு எப்படி இருக்கும் என்றும், தங்கத்தில் முதலீடு எப்போது செய்ய வேண்டும் என்றும் நிபுணர்கள் பல ஆய்வுரைகளை வழங்கியுள்ளனர்.

2026 தங்க விலை

தங்க விலை 2026ல் குறையுமா? இந்த கேள்வி இப்போது அனைவரும் ஆர்வத்துடன் கேட்கும் ஒன்று. ஏனெனில், தங்கம் அனைவருக்கும் பிடித்த பொருள் என்றாலும், தற்போது விலை மிக அதிகமாக இருப்பதால் வாங்குவது பலருக்கும் சாத்தியமில்லாத நிலை. தங்கம் 2026ல் எந்த திசையில் செல்லும்? இதைப் பார்க்கலாம்.

தங்க விலை கணிப்பு

இந்திய பெண்கள் தங்கத்தை மிகவும் விரும்புவதுடன், உலகில் மிக அதிக அளவு தங்கத்தை வைத்திருக்கும் மக்களாகவும் உள்ளனர். ஆனால் தொடர்ச்சியாக விலை உயர்வதால், தற்போது வாங்கத் தயங்கி வருகின்றனர். இதே சூழலில் 2026ல் தங்கத்தின் பாதை என்னவாக இருக்கும் என்பது பெரிய கேள்வியாக உள்ளது.

தங்க விலை மாற்றம்

ஆசிய, குறிப்பாக சீன சந்தையில் தங்க நகை விற்பனை குறைந்துள்ளது. காரணம், சீனாவில் தங்க நகைகளுக்கான வரி சலுகை நீக்கப்பட்டிருப்பது. இதனால் மக்கள் கூடுதல் வரி கட்ட வேண்டி இருப்பதால், தங்க வாங்குதல் குறைந்து விட்டது. ஏற்கனவே அதிக விலை காரணமாகவே விற்பனை சரிந்த நிலையில், இந்த வரி காரணமாக மேலும் தேவை குறைந்துள்ளது. தேவை குறையும்போது விலை குறைய வாய்ப்பு இருப்பதால், சில நிபுணர்கள் 2026ல் தங்க விலையில் குறைவு ஏற்படும் எனக் கூறுகின்றனர்.

தங்க விலை உயர்வு காரணம்

இதற்கு எதிராக, உலகின் பல நாடுகளில் தங்க விலை தொடர்ந்து உச்சத்தைத் தொட்டுக் கொண்டிருக்கிறது. ஒரு மாதத்துக்கு முன் இருந்த உச்ச விலை மீண்டும் எட்டப்பட்டுள்ளது. இதற்கு முக்கிய காரணம் அமெரிக்காவின் நாணயக் கொள்கை மாற்றங்கள். குறிப்பாக, அமெரிக்க ஃபெடரல் ரிசர்வ் வட்டி விகிதத்தை 25 பேஸிஸ் பாயிண்ட் குறைக்கலாம் என தகவல்கள் தங்க விலையை உயர்த்துகின்றன. டாலர் மதிப்பு குறைந்தால், முதலீட்டாளர்கள் அரசுப் பத்திரங்களில் இருந்து எடுத்து தங்கத்தில் முதலீடு செய்வார்கள். இதனால் தங்கத்துக்கு தேவை அதிகரித்து விலை உயர்கிறது.

தங்க தேவை குறைவு

இந்த சர்வதேச சூழ்நிலைகளின் தாக்கத்தில், இந்தியாவிலும் தங்க விலை உயர்வைக் காணலாம். 2026ல் தங்கம் குறையுமா அல்லது மேலும் உயருமா என்ற சந்தேகத்தில் மக்கள் உள்ளனர். நிபுணர்கள் கூறினார், தங்கத்தின் முக்கிய திசை Federal Reserve வட்டி கொள்கையைப் பொறுத்தே அமையும். வட்டி விகிதம் குறையும் தகவல் உறுதியாக வந்தால், தங்க விலை 10 முதல் 20 சதவீதம் வரை கூட வாய்ப்பு உள்ளது.