இந்தியாவில் பழைய ரூ.5 நாணயங்களின் புழக்கம் குறைந்து, புதிய செப்பு நிற நாணயங்கள் அதிகரித்து வருகின்றன. இதனால் பழைய 5 ரூபாய் நாணயம் செல்லாதா? என்ற கேள்வி எழுந்துள்ளது.
இந்தியாவில் ரூ.1, ரூ.2, ரூ.5, ரூ.10, ரூ.20 ஆகிய நாணயங்கள் புழக்கத்தில் இருக்கின்றன. எனினும் தற்போது சந்தையில் பழைய ரூ. 5 காசுகளின் புழக்கம் குறைந்து வருகிறது. பழைய நாணயங்களுக்கு பதில் புதிய செப்பு நிற ரூ.5 நாணயங்கள் அதிகரித்து வருகின்றன. இதனால் பழைய 5 ரூபாய் நாணயம் செல்லாதா? என்ற கேள்வி எழுந்துள்ளது. ஆனால் சந்தையில் இந்த நாணயங்கள் குறைந்ததற்கான உண்மையான காரணம் என்ன தெரியுமா? இதுகுறித்து தற்போது பார்க்கலாம்.
25
Old 5 Rupee Coin
பழைய ரூ. 5 நாணயங்கள் கொஞ்சம் பெரிதாகவும் கனமாகவும் இருந்தன. இந்த நாணயங்கள் குப்ரோ-நிக்கல் என்ற விலையுயர்ந்த உலோகத்தால் செய்யப்பட்டவை. அவற்றின் எடை சுமார் 9 கிராம். ஆனால் சிலர் அவற்றை சட்ட விரோதமாக வங்கதேசத்துக்கு கொண்டு செல்கின்றனர். இந்த நாணயங்களை உருக்கி கத்திகளாக உருவாக்கப்படுகின்றன. இதன் மூலம் அதிகளவில் பணம் சம்பாதிப்பதாக கூறப்படுகிறது.
ஒரே ஒரு ரூ. 5 நாணயத்தை உருக்கி ஆறு கத்திகளை உருவாக்கலாம். ஒவ்வொரு கத்தியும் ரூ. 2 ரூபாய்க்கு விற்கப்படுவதால் ஒரு 5 ரூபாய் நாணயத்தை உருக்கி கத்தி செய்து விற்பனை செய்வதன் மூலம் ரூ.12 சம்பாதிக்க முடியும். இந்த வியாபாரம் லாபகரமாக இருப்பதால் இந்தியாவில் இருந்து அதிக அளவில் நாணயங்கள் கடத்தப்படுகின்றன.
இந்த விஷயத்தை ரிசர்வ் வங்கியின் கவனத்திற்கு சென்ற நிலையில், இதுகுறித்து ரிசர்வ் வங்கி முக்கிய முடிவை எடுத்தது. அதன்படி பழைய 5 ரூபாய் நாணயங்களை அச்சிடும் பணி நிறுத்தப்பட்டு, புதிய நாணயங்கள் அச்சடிக்கப்பட்டன.
45
Old 5 Rupee Coin
இந்த புதிய 5 ரூபாய் நாணயங்கள் குறைவான தடிமன், எடை உடன் அச்சடிக்கப்பட்டன.. மேலும் புதிய 5 ரூபாய் நாணயங்கள், மலிவான உலோகத்தைக் கொண்டு தயாரிக்கத் தொடங்கினர். இதன் காரணமாகவே தற்போது சந்தையில் பழைய 5 ரூபாய் நாணயங்களின் புழக்கம் குறைந்துள்ளது. புதிய 5 ரூபாய் நாணயங்கள் அதிகளவில் புழக்கத்தில் இருக்கின்றன.
பழைய 5 ரூபாய் நாணயங்களின் அச்சிடுவதை நிறுத்தியதன் மூலம் சட்டவிரோதமாக நாணயங்கள் கடத்தப்படுவது தடுக்கப்படும் என அதிகாரிகள் கருதுகின்றனர். பழைய 5 ரூபாய் நாணயங்களின் புழக்கம் வெகுவாக குறைந்ததற்கு இதுவே காரணமாகும்.
வணிகம் (Business Ideas in Tamil), வங்கிகள் (Banking News), நிதி, இந்திய பொருளாதாரம் , உலக சந்தை, பங்கு சந்தை, முதலீடு உள்ளிட்ட பல்வேறு தகவல்கள் மற்றும் சமீபத்திய நிதி செய்திகள் அனைத்தையும் ஏஷ்யாநெட் தமிழ் நியூஸில் படிக்கலாம்.
