1,000 ரூபாய் முதலீட்டை 2 கோடியாக மாற்றும் மியூச்சுவல் ஃபண்டு! வரியையும் சேமிக்கலாம்!

நீண்ட காலத்திற்கு மியூச்சுவல் ஃபண்டில் முதலீடு செய்வது, குறிப்பாக ஆரம்ப ஆண்டுகளுடன் ஒப்பிடும்போது பிந்தைய ஆண்டுகளில் அதிக வருமானத்தைக் கொடுக்கும். ஏனென்றால், ஆரம்பத்தில் சம்பாதித்த வருமானம் மீண்டும் முதலீடு செய்யப்படுகிறது. இது காலப்போக்கில் முதலீடு வேகமாக வளர உதவுகிறது. இதுதான் முதலீட்டின் "கூட்டு சக்தி" (power of compounding) என்று அழைக்கப்படுகிறது.

உதாரணமாக, HDFC ELSS Tax Saver மியூச்சுவல் ஃபண்டைப் பார்ப்போம். இதில் 28 ஆண்டுகளுக்கு முன்பு யாராவது ரூ.1000 மாதாந்திர SIP முதலீட்டைத் தொடங்கியிருந்தால், அது அக்டோபர் 2024 க்குள் ரூ.1.9 கோடியாக மாறியிருக்கும். கடந்த 28 ஆண்டுகளில், இந்த ஃபண்டு 22.89% வருடாந்திர வருமானத்தைப் பதிவு செய்துள்ளது.

மொத்த முதலீட்டைப் பார்த்தால், மார்ச் 1996 இல் இந்த ஃபண்டில் முதலீடு செய்யப்பட்ட ரூ.1 லட்சம் இன்று ரூ.1.36 கோடியாக வளர்ந்திருக்கும். தொடக்கத்திலிருந்தே 18.84% வருடாந்திர வருமானத்தை அளித்து வருகிறது. 2030க்குள் இதன் திறனை விரிவாக்க OMCகள் ரூ.1.9 லட்சம் கோடிக்கு மேல் முதலீடு செய்ய உள்ளன.

mutual funds

HDFC ELSS டேக்ஸ் சேவர் ஃபண்ட் மார்ச் 31, 1996 இல் தொடங்கப்பட்டது. குறிப்பிடத்தக்க வகையில், இந்த ஃபண்ட் ஆரம்பத்திலிருந்தே 23.89% வளர்ந்துள்ளது. ஆகஸ்ட் 31, 2024 நிலவரப்படி, இது மொத்தம் ரூ.16,422 கோடி சொத்துகளை நிர்வகிக்கிறது. இந்தச் சொத்து மதிப்பு முதலீட்டாளர்களின் வலுவான நம்பிக்கையைக் குறிக்கிறது. பல ஆண்டுகளாக மூலதனத்தை ஈர்த்துத் தக்கவைத்துக்கொள்ளும் திறனைக் காட்டுகிறது.

ஆகஸ்ட் 31, 2024 நிலவரப்படி, HDFC ELSS Tax Saver பண்டின் செலவு விகிதம் 1.70% ஆக உள்ளது. இது ஒப்பீட்டளவில் மிதமான செலவு நிலைதான். இது முதலீட்டாளர்களுக்கு மதிப்பு வழங்கும் நோக்கத்துடன் செலவுத் திறனைப் பேணுவதில் உறுதியாக இருப்பதைப் பிரதிபலிக்கிறது.

HDFC ELSS Tax Saver Fund ஆனது, ஐசிஐசிஐ வங்கி (9.66%), ஹெச்.டி.எஃப்.சி. வங்கி (9.27%), மற்றும் ஆக்சிஸ் வங்கி (7.87%) உள்ளிட்ட உயர்மட்ட பங்குகளுடன் நன்கு பன்முகத்தன்மை கொண்ட போர்ட்ஃபோலியோவைக் கொண்டுள்ளது. குறிப்பாக வங்கித் துறையில் கவனம் செலுத்துகிறது.

மேலும், HDFC ELSS Tax Saver Fund சிப்லா (5.44%) மற்றும் HCL டெக்னாலஜிஸ் (5.34%) ஆகியவற்றில் முதலீடு செய்கிறது. இவை சுகாதாரம் மற்றும் தொழில்நுட்பத் துறை முதலீடுகளாகும். இந்தப் பன்முகப்பட்ட முதலீடு சந்தை அபாயங்களைத் திறம்பட நிர்வகிக்கும் வளர்ச்சித் திறன் மற்றும் சமநிலையைப் பேணுவதை நோக்கமாகக் கொண்டுள்ளது.