Exchange 2000 Notes: உங்களிடம் ரூ.2000 நோட்டு இருக்கா? மாற்ற சூப்பர் வாய்ப்பு.. ஆர்பிஐ முக்கிய அறிவிப்பு!

Reserve Bank of India: புழக்கத்தில் உள்ள ரூ.2000 நோட்டுகளை மாற்றிக்கொள்ள ரிசர்வ் வங்கி மீண்டும் ஒரு வாய்ப்பை வழங்கியுள்ளது. ரிசர்வ் வங்கியின் 19 கிளைகள் மூலமாக மாற்றிக்கொள்ளவும்.

கடந்த 2023ம் ஆண்டு மே 19ம் தேதி ரூ.2000 நோட்டுகளை திரும்ப பெறுவதாக மத்திய அரசு அதிரடி அறிவிப்பை வெளியிட்டது. அப்போது புழக்கத்தில் இருந்த ரூ.2000 நோட்டுகளின் மொத்த மதிப்பு ரூ.3.56 லட்சம் கோடியாக இருந்தது.

அவை திரும்ப பெறுவதாக அறிவிக்கப்பட்டதை அடுத்து 2026 ஏப்ரல் 30ம் தேதி வரை நிலவரப்படி ரூ.5,451 கோடி மதிப்பிலான ரூ.2,000 நோட்டுகள் மட்டுமே புழக்கத்தில் உள்ளன. இதுவரை 98.47 சதவிகித ரூ.2000 நோட்டுகள் மட்டுமே ரிசரவ் வங்கிக்கு திரும்ப வந்துள்ளது.

இந்நிலையில் புழக்கத்தில் உள்ள ரூ.2000 நோட்டுகளை மாற்றிக்கொள்ளலாம் என ரிசரவ் வங்கி தற்போது முக்கிய அறிவிப்பு ஒன்றை வெளியிட்டுள்ளது. அதாவது ரிசர்வ் வங்கியின் 19 கிளை அலுவலங்களிலும் ரூ.2000 நோட்டுகளை மாற்றிக் கொள்ளும் வசதி ஏற்படுத்தப்பட்டுள்ளது.

மேலும் இந்த அலுவலகங்கள் மூலம் தனிநபர்கள் மற்றும் நிறுவனங்கள் அவர்களது வங்கி கணக்கில் ரூ.2000 நோட்டுகளை சேமிப்பு கணக்கில் செலுத்தவும் வழிவகை செய்யப்பட்டுள்ளது.

இது தவிர இந்தியாவில் எந்தவொரு தபால் நிலையத்தில் இருந்து இந்தியா போஸ்ட் மூலம் ரூ.2000 நோட்டுகளை அனுப்பி தங்கள் சேமி்பு கணக்கில் செலுத்திக்கொள்ள முடியும் வரவு வைத்துக்கொள்ளும் வசதியும் உள்ளது.