சந்தை நிலவரங்களுக்கு ஏற்ப தொழிலாளர் நலத்துறை, 54 ஆயிரம் அரசு ஊழியர்களின் அகவிலைப்படியை மாற்றியமைக்கிறது. இந்த அகவிலைப்படி உயர்வு அக்டோபர் 1, 2026 முதல் அமலுக்கு வரும். இதனால் அரசு ஊழியர்களுக்கு ஜாக்பாட் அடித்துள்ளது.
இந்திய அரசின் எஃகு அமைச்சகத்தின் கீழ் உள்ள மஹாரத்னா பொதுத்துறை நிறுவனமான SAIL, தனது ஊழியர்களின் அகவிலைப்படியை சுமார் 3% உயர்த்த முடிவு செய்துள்ளது. இதனால் SAIL ஊழியர்களின் தற்போதைய அகவிலைப்படி 55.7%ல் இருந்து 58.6% ஆக உயரும்.
26
54,000 ஊழியர்களுக்கு ஜாக்பாட்
நாட்டின் மிகப்பெரிய பொதுத்துறை நிறுவனங்களில் ஒன்றான SAIL (ஸ்டீல் அத்தாரிட்டி ஆஃப் இந்தியா லிமிடெட்), அகவிலைப்படியை 2.9% உயர்த்துவதாக அறிவித்துள்ளது. இந்த முடிவால், பொகாரோ ஸ்டீல் பிளான்ட் மற்றும் பிற யூனிட்களில் பணிபுரியும் 54,000 ஊழியர்கள் பயனடைவார்கள்.
36
மத்திய அரசுக்கு 65% நேரடி பங்குகள்
SAIL, நாட்டின் முன்னணி மற்றும் மிகப்பெரிய எஃகு உற்பத்தி நிறுவனங்களில் ஒன்றாகும். இதனால்தான் இந்நிறுவனத்திற்கு மிக உயர்ந்த மஹாரத்னா அந்தஸ்து வழங்கப்பட்டுள்ளது. SAIL நிறுவனத்தில் மத்திய அரசுக்கு 65% நேரடி பங்குகள் உள்ளன.
இந்த அகவிலைப்படி உயர்வு அக்டோபர் 1, 2026 முதல் அமலுக்கு வருகிறது. இதன் மூலம் பொகாரோ ஸ்டீல் பிளான்ட் மற்றும் பிற யூனிட்களில் உள்ள அதிகாரிகள் மற்றும் ஊழியர்களின் சம்பளம் உயரும். சந்தை நிலவரத்தைப் பொறுத்து தொழிலாளர் நலத்துறை அகவிலைப்படியை மாற்றியமைக்கிறது.
56
அத்தியாவசியப் பொருட்களின் விலை உயர்வே காரணம்
இதற்கு முந்தைய காலாண்டில் அகவிலைப்படி 1.6% உயர்த்தப்பட்டது. உணவுப் பொருட்கள் மற்றும் அத்தியாவசியப் பொருட்களின் விலை உயர்வு காரணமாக, நடப்பு 2026-27 நிதியாண்டின் இந்தக் காலாண்டில் அகவிலைப்படியை உயர்த்த முடிவு செய்யப்பட்டுள்ளது.
66
அரசு ஊழியர்களுக்கு சந்தோஷ செய்தி இதுதான்
SAIL ஊழியர்கள் தங்களது பே-ஸ்லிப்பில் அகவிலைப்படி உயர்வு குறித்த முழு விவரங்களையும் பார்க்கலாம். SAIL நிறுவனத்தில் ஒவ்வொரு 10 வருடங்களுக்கும் ஒருமுறை அதிகாரிகள் மற்றும் ஊழியர்கள் இருவரின் சம்பளத்தையும் திருத்தியமைக்க முடிவு செய்யப்பட்டுள்ளது. அடுத்த சம்பள திருத்தம் ஜனவரி 1, 2027 அன்று இருக்கும்.
வணிகம் (Business Ideas in Tamil), வங்கிகள் (Banking News), நிதி, இந்திய பொருளாதாரம் , உலக சந்தை, பங்கு சந்தை, முதலீடு உள்ளிட்ட பல்வேறு தகவல்கள் மற்றும் சமீபத்திய நிதி செய்திகள் அனைத்தையும் ஏஷ்யாநெட் தமிழ் நியூஸில் படிக்கலாம்.
