Post Office TD: ரிஸ்க் இல்லாம கேரண்டி வருமானம்... தபால் நிலையத்தின் சூப்பர் திட்டம்!

முதலீடு செய்யும்போது பாதுகாப்பும் வேணும், நல்ல வருமானமும் வேணும்னு நினைக்கிறீங்களா? அப்போ தபால் நிலைய சேமிப்பு திட்டங்கள் ஒரு நல்ல சாய்ஸ். அதுலயும் போஸ்ட் ஆபீஸ் டைம் டெபாசிட் (TD) ஒரு முக்கியமான திட்டம்.

ரூ.1,000 முதலீட்டில் இந்த அக்கவுன்ட்டை ஆரம்பிக்க முடியும்

தனிநபராகவோ அல்லது மூன்று பெரியவர்கள் சேர்ந்தோ ஒரு ஜாயிண்ட் அக்கவுன்ட் திறக்கலாம். 10 வயதுக்கு மேற்பட்ட மைனர் பெயரிலும் கணக்கைத் தொடங்கலாம். குறைந்தபட்சம் ரூ.1,000 முதலீட்டில் இந்த அக்கவுன்ட்டை ஆரம்பிக்க முடியும். பிறகு தேவைப்பட்டால் கூடுதல் தொகையை டெபாசிட் செய்யலாம்.

, நீண்ட காலத்துக்கு 5 ஆண்டுகளை தேர்ந்தெடுக்கலாம்

உங்க தேவைக்கு ஏற்ப 1, 2, 3 அல்லது 5 ஆண்டுகளுக்குப் பணத்தை டெபாசிட் செய்யலாம். குறுகிய கால சேமிப்புக்கு 1 அல்லது 2 ஆண்டுகளையும், நீண்ட காலத்துக்கு 5 ஆண்டுகளையும் தேர்ந்தெடுக்கலாம். வட்டி விகிதங்களை அரசாங்கம் அவ்வப்போது மாற்றும். அதனால், கணக்கு தொடங்கும் முன் தற்போதைய வட்டி விகிதத்தை செக் பண்ணிக்கோங்க.

ஐந்து ஆண்டுகளுக்கு 7.5% வட்டி

இந்தத் திட்டத்தில், நீங்கள் தேர்ந்தெடுக்கும் காலத்தைப் பொறுத்து வட்டி விகிதம் மாறும். ஓராண்டு டெபாசிட்டுக்கு 6.9%, இரண்டு ஆண்டுகளுக்கு 7%, மூன்று ஆண்டுகளுக்கு 7.1%, ஐந்து ஆண்டுகளுக்கு 7.5% வட்டி கிடைக்கிறது. அதிக காலம் முதலீடு செய்தால், அதிக வட்டி கிடைக்கும்.

வருமான வரிச் சட்டம் பிரிவு 80C-யின் கீழ் வரி விலக்கு பெறலாம்

5 ஆண்டு டைம் டெபாசிட்டில் முதலீடு செய்தால், வருமான வரிச் சட்டம் பிரிவு 80C-யின் கீழ் வரி விலக்கு பெறலாம். ஆனால், 1, 2, 3 ஆண்டு டெபாசிட்டுகளுக்கு இந்தச் சலுகை கிடையாது. முன்கூட்டியே பணத்தை எடுத்தால் அபராதம் உண்டு. அதனால், அவசரத் தேவைக்கான பணத்தை இதில் முதலீடு செய்ய வேண்டாம். மொத்தத்தில், குறைந்த ரிஸ்க்கில் நல்ல வட்டி பெற இது ஒரு சிறந்த திட்டம்.