பீர் குடிச்சா முடி வளருமா? என்னங்க சொல்றீங்க? நாம் அறியாத சில ஆச்சரியமான உண்மைகள்.!

Is Drinking Beer Good or Bad? : விஸ்கியை விட பீர் உடம்புக்கு நல்லதுன்னு ஒரு பேச்சு இருக்கு. அதனால, பெருசா பழக்கம் இல்லாதவங்க கூட பீர் குடிப்பாங்க. இந்த நம்பிக்கைக்கு வலு சேர்க்கிற மாதிரி சில ஆய்வுகள்ல சுவாரஸ்யமான விஷயங்கள் தெரிய வந்திருக்கு. 

Is Drinking Beer Good or Bad?

அப்போப்போ ஒரு கிளாஸ் பீர் குடிச்சா, உடம்புக்கு சில சத்துக்கள் கிடைக்கும்னு சில ஆய்வுகள் சொல்லுது. குறிப்பா, பீர்ல கொஞ்ச அளவு வைட்டமின் B6 இருக்குறத கண்டுபிடிச்சிருக்காங்க. மூளை செயல்பாடு, ரத்த உருவாக்கம், நோய் எதிர்ப்பு சக்திக்கு இந்த வைட்டமின் ரொம்ப முக்கியம். ஆனா, இதுக்காக பீர் குடிக்கலாமாங்கிறதுதான் இங்க கேள்வி.

வைட்டமின் பி6 பயன்கள்

நம்ம உடம்புக்கு வைட்டமின் B6 ரொம்ப அவசியமான ஒரு சத்து. இது மூளை சரியா வேலை செய்யவும், நரம்பு மண்டலத்தை சீரா வெச்சுக்கவும் உதவுது. முடி வளர்ச்சியிலும் வைட்டமின் பி6 முக்கிய பங்கு வகிக்குது. ரத்தத்துல ஹீமோகுளோபின் உருவாக இது முக்கிய பங்கு வகிக்குது. உடம்புல புரோட்டீன் பயன்பாடு, ஆற்றல் உற்பத்திக்கும் இது தேவை. நம்ம உடம்பு இந்த வைட்டமினை உருவாக்காது. அதனால, சாப்பாட்டுல இருந்துதான் இதை நாம எடுத்துக்கணும்.

பீர்களில் வைட்டமின் பி6

பீர் தயாரிக்கப் பயன்படுத்துற மூலப்பொருட்கள்ல வைட்டமின் B6 இருக்கு. பார்லி, கோதுமை, பிரூவர்ஸ் ஈஸ்ட் போன்ற பொருட்கள்ல இந்த வைட்டமின் இயற்கையாவே இருக்கு. தயாரிப்பு முறையில கொஞ்சம் சத்து அழிஞ்சாலும், முழுசா போகாது. அதனால, தயாரிச்ச பீர்ல கொஞ்ச அளவு இந்த வைட்டமின் தங்கியிருக்கும். ஒரு கிளாஸ் பீர்ல ஒரு நாளைக்குத் தேவையான வைட்டமின் B6-ல ஒரு பகுதி கிடைக்கலாம்னு ஆய்வுகள் சொல்லுது. ஆல்கஹால் இல்லாத பீர்ல கூட இந்த வைட்டமின் இருக்குறது ஒரு ஆச்சரியமான விஷயம். ஆல்கஹால் இல்லாத பீர்களில் ஊட்டச்சத்துக்கள் அதிகம்.

ஆல்கஹால் இல்லாத பீர்களில் ஊட்டச்சத்துக்கள் அதிகம்

எல்லா பீர்லயும் வைட்டமின் B6 ஒரே அளவுல இருக்காது. நல்ல அடர்த்தியான, ஸ்ட்ராங்கான சுவை கொண்ட சில ஸ்பெஷல் பீர்கள்ல இந்த வைட்டமின் அளவு அதிகமா இருக்கு. சாதாரண லாகர் பீர்லயும் கணிசமான அளவு இருக்கு. கோதுமையில செய்யுற பீர்லயும் நல்ல அளவுல இருக்கு. ஆனா, அரிசியை வெச்சு செய்யுற பீர்ல இந்த வைட்டமின் ரொம்ப கம்மியா இருக்குறத கவனிச்சிருக்காங்க. ஆல்கஹால் நீக்கப்பட்ட பீர்ல வைட்டமின் அளவு கொஞ்சம் அதிகமா இருக்குறது இன்னொரு ஆச்சரியம்.

பீரை முக்கிய ஆதாரமாக கருத முடியாது

ஊட்டச்சத்துக்காக பீரை ஒரு முக்கிய ஆதாரமா நினைக்கறது சரியில்லைன்னு நிபுணர்கள் சொல்றாங்க. வைட்டமின் B6 நிறைய உணவுப் பொருட்கள்ல இயற்கையாவே கிடைக்குது. இறைச்சி, மீன், கொண்டைக்கடலை, ஓட்ஸ், உருளைக்கிழங்கு போன்ற உணவுகள் மூலமா இந்த வைட்டமினை சுலபமா பெறலாம். பொதுவா, சரிவிகித உணவு சாப்பிடுறவங்களுக்கு இந்த வைட்டமின் குறைபாடு வர்றது ரொம்ப அபூர்வம். அதனால, பீர் மூலமா வைட்டமின் எடுக்கணும்னு முயற்சி பண்ணத் தேவையில்லை.

பீர் குடிப்பதால் முடி வளருமா?

பீரில் சிலிகான் (Silicon) மற்றும் வைட்டமின் B6 போன்ற சத்துக்கள் இருந்தாலும், ஆல்கஹால் உங்கள் உடலை வறட்சி அடையச் செய்யும் (Dehydration). இது முடியின் வேர்க்கால்களைப் பலவீனப்படுத்தி, முடி உதிர்வை அதிகரிக்கவே செய்யும். எனவே, முடி வளர்ச்சிக்காக பீர் குடிப்பது ஒரு நல்ல யோசனையல்ல.

பீர் சிறந்த மாற்று கிடையாது

பீர்ல கொஞ்சமா வைட்டமின் இருக்குறதால, ஆல்கஹால் உடம்புக்கு நல்லதுன்னு நினைக்கக் கூடாது. அதிகமா ஆல்கஹால் குடிச்சா உடம்புல பக்கவிளைவுகள் ஏற்படும். அதனால, குடிக்குறவங்க அளவோட குடிக்கிறது ரொம்ப முக்கியம். குறிப்பா, குடிப்பழக்கம் உள்ளவங்களுக்கும், சில நாள்பட்ட நோய்கள் உள்ளவங்களுக்கும் ஊட்டச்சத்துக் குறைபாடு வர வாய்ப்பிருக்கு. அதனால, சாப்பாட்டுல இருந்து சத்துக்களைப் பெறுவதுதான் சிறந்த வழி.

(குறிப்பு: பீர்ல வைட்டமின் B6 இருக்குறது உண்மைதான். ஆனா, அது ஆரோக்கியத்துக்கு முக்கிய ஆதாரம் கிடையாது. அதனால, பீர் உடம்புக்கு நல்லதுன்னு 100% சொல்ல முடியாது. இந்தத் தகவல்களை அடிப்படைத் தகவல்களாக மட்டுமே எடுத்துக்கொள்ள வேண்டும். உடல்நலம் சம்பந்தப்பட்ட விஷயங்களுக்கு மருத்துவரின் ஆலோசனையைப் பின்பற்றுவதே சிறந்தது)