தீபாவளி பண்டிகைக்காக ரயில்வே அறிவிக்கும் புதிய 'ரவுண்ட் ட்ரிப்' சலுகை மூலம் இரு வழி பயணச்சீட்டுகளுக்கு 20% தள்ளுபடி பெறலாம். ஆகஸ்ட் 14 முதல் அக்டோபர் 26 வரை பயணம் செய்பவர்களுக்கு இந்த சலுகை பொருந்தும்.
தீபாவளி பண்டிகைக்காலத்தில், ரயில்களில் ஏற்படும் பயண நெரிசலை சமாளிக்க இந்திய ரயில்வே ஒரு புதிய சலுகையை அறிவித்துள்ளது. ‘ரவுண்ட் ட்ரிப் பேக்கேஜ்’ எனப்படும் இந்த திட்டத்தின் கீழ், ஒரே வகை, ஒரே தொடக்கம், ஒரே இடம் ஆகியவற்றுக்கு இரு வழிப் பயணச்சீட்டுகளை முன்பதிவு செய்பவர்களுக்கு, அடிப்படை கட்டணத்தில் 20% தள்ளுபடி வழங்கப்படும். இந்த திட்டம், பண்டிகைக்கால பயணிகளின் வசதிக்காகவும், ரயில்களின் பராமரிப்பு மற்றும் சேவையில் சமநிலை கொண்டு வரவும் உருவாக்கப்பட்டுள்ளது. பFlexible Fare (நெகிழ்வான கட்டண) ரயில்களுக்கு இந்த சலுகை கிடையாது என்பது குறிப்பிடத்தக்கது.
25
திட்டத்தின் முக்கிய அம்சங்கள்
இந்த சலுகை ஆகஸ்ட் 14ஆம் தேதி முதல் அமலுக்கு வருகிறது. அக்டோபர் 13 முதல் 26 வரை மேற்கொள்ளப்படும் பயணங்களுக்கான டிக்கெட்டுகள் இதில் உட்படுகின்றன. திரும்பும் பயணத்துக்கான டிக்கெட்டுகள் நவம்பர் 17 முதல் டிசம்பர் 1 வரை செல்லுபடியாகும். இந்த காலவரையறை, பண்டிகைக்காலத்தில் மக்கள் தங்கள் சொந்த ஊர்களுக்கு சென்று திரும்பும் வசதிக்காக திட்டமிடப்பட்டுள்ளது.
20% வரை பணத்தைச் சேமிக்க முடியும்
இந்த ‘ரவுண்ட் ட்ரிப் பேக்கேஜ்’ மூலம், ஒரே முன்பதிவில் இரு வழிப் பயணத்தை பதிவு செய்யும் பயணிகள், அடிப்படை கட்டணத்தில் 20% வரை பணத்தைச் சேமிக்க முடியும். ஆனால், ஒருமுறை டிக்கெட் பதிவு செய்த பின், அதை ரத்து செய்யவோ அல்லது மாற்றவோ முடியாது. இதனால், முன்பதிவு செய்வதற்கு முன் பயணத்திட்டத்தை உறுதிசெய்வது அவசியம்.
35
பயணிகளுக்கு ஏற்படும் நன்மைகள்
இந்த திட்டம், நீண்ட தூரப் பயணிகள் மற்றும் பண்டிகைக்காலத்தில் குடும்பத்துடன் பயணம் செய்யும் மக்களுக்கு பெரும் நிவாரணமாக இருக்கும். வழக்கமாக பண்டிகைக்காலங்களில் டிக்கெட் விலை அதிகரிப்பதுடன், சீட்டுகள் கிடைப்பது கடினமாகிவிடும். இந்நிலையில், முன்கூட்டியே இரு வழிப் பயணத்தை பதிவு செய்வதால், டிக்கெட் கிடைப்பதில் நிச்சயத்தன்மை கிடைப்பதோடு, செலவிலும் குறைவு கிடைக்கும். மேலும், ரயில்வேக்கு இது ஒரு சுமை குறைப்புத் திட்டமாக இருக்கும். ஒரே முன்பதிவில் இரு வழி பயணிகளை உறுதிசெய்வதால், பயணத்திட்டம் தெளிவாக இருக்கும்; அதேசமயம், ரயில் சேவையின் திட்டமிடுதலுக்கும் உதவும்.
இந்த திட்டத்தின் முக்கியமான கட்டுப்பாடு, டிக்கெட் மாற்றம் மற்றும் பணத்தைத் திருப்பிக் கொடுப்பது அனுமதிக்கப்படமாட்டாது என்பதே. இதனால், பயணிகள் தங்கள் பயண தேதிகளை உறுதிசெய்த பின் மட்டுமே முன்பதிவு செய்ய வேண்டும். மேலும், பFlexible Fare ரயில்களில் இந்த சலுகை கிடையாது என்பதால், பயணிகள் முன்பதிவு செய்யும் ரயிலின் வகையை சரிபார்த்துக் கொள்ள வேண்டும்.
55
இரட்டிப்பு நன்மை அளிக்கும் திட்டம்.!
பண்டிகைக்காலங்களில், ரயில் பயணிகள் அதிகமாகும் சூழலில், இந்த வகை சலுகைகள் பயணிகளுக்கும் ரயில்வேக்கும் இரட்டிப்பு நன்மை அளிக்கும். பயணிகள் குறைந்த செலவில், நிச்சயமான சீட்டுடன் பயணிக்கலாம். அதே சமயம், ரயில்வே தனது சேவையை சீரான முறையில் திட்டமிட முடியும். தீபாவளி போன்ற பெரிய பண்டிகையில், சொந்த ஊர் பயணத்தை இலகுவாகவும் சிக்கனமாகவும் மாற்றும் இந்த ‘ரவுண்ட் ட்ரிப்’ சலுகை, பெரும்பான்மை பயணிகளால் வரவேற்கப்படும் என்பது உறுதி.
