ஹூண்டாய் i20-க்கு ரூ.85,000 வரை தள்ளுபடி..! நவம்பர் மாத ஸ்பெஷல் ஆபர்..!

ஹூண்டாய் மோட்டார் இந்தியா தனது பிரீமியம் ஹேட்ச்பேக் i20 மாடலுக்கு நவம்பர் மாதத்தில் ரூ.85,000 வரையிலும், i20 N Line மாடலுக்கு ரூ.70,000 வரையிலும் தள்ளுபடிகளை அறிவித்துள்ளது. இந்த சலுகைகள் டீலர்ஷிப்களைப் பொறுத்து மாறுபடலாம்.

ஹூண்டாய் i20 தள்ளுபடி

ஹூண்டாய் மோட்டார் இந்தியா, நவம்பர் மாதத்தை முன்னிட்டு தனது பிரீமியம் ஹேட்ச்பேக் i20 மாடலுக்கு பெரிய அளவில் தள்ளுபடிகள் அறிவிக்கப்பட்டுள்ளன. இந்த மாதம் கார் வாங்குபவர்களுக்கு ரூ.85,000 வரை சலுகைகள் பெற முடியும். கடந்த அக்டோபருடன் ஒப்பிடும்போது இந்த மாதம் மட்டும் கூடுதலாக ரூ.40,000 தள்ளுபடி வழங்கப்படுகிறது. 

அதே போல், i20 N Line மாடலுக்கு ரூ.70,000 வரை சலுகை அறிவிக்கப்பட்டுள்ளது. புதிய GST 2.0 அமலுக்கு வந்ததால், இந்த i20 காரின் ஆரம்ப எக்ஸ்-ஷோரூம் விலை ரூ.7,12,385 என நிர்ணயிக்கப்பட்டுள்ளது. மாருதி பலேனோ, டொயோட்டா கிளான்ஸா, டாடா அல்ட்ராஸ் போன்ற பிரபல ஹேட்ச்பேக்குகளுடன் இந்த மாடல் கடும் போட்டியைச் சந்திக்கிறது. i20 ஃபேஸ்லிஃப்ட்டில் 1.2 லிட்டர் 4-சிலிண்டர் பெட்ரோல் இன்ஜின் கிடைக்கிறது.

i20 நவம்பர் ஆபர்

இது 83 bhp சக்தி மற்றும் 115 Nm டார்க் உற்பத்தி செய்யும். 5-ஸ்பீட் மேனுவல் மற்றும் CVT டிரான்ஸ்மிஷன் ஆப்ஷன்களுடன் சேர்க்கப்பட்டுள்ளது. ISG (Idle Stop & Go) அம்சம் எரிபொருள் சேமிப்பில் உதவுகிறது. முன்பு கிடைத்த 1.0 லிட்டர் டர்போ பெட்ரோல் வேரியன்ட் இனி கிடைக்காது என்று நிறுவனம் உறுதி செய்துள்ளது. 

உள்ளமைப்பு மற்றும் வசதிகளில் 10.25-இன்ச் டஸ்கிரீன், டிஜிட்டல் டாஷ், BOSE சவுண்ட் சிஸ்டம், வயர்லெஸ் சார்ஜிங், ஆம்பியன்ட் லைட், சிங்கிள் பேன் சன்ரூஃப் போன்றவை தொடர்கின்றன. ஆறு நிறங்களில் மோனோடோன், இரண்டு டூயல் டோன் வண்ணங்களில் கார் கிடைக்கிறது. பாதுகாப்பு அம்சங்கள் பார்க்கும்போது 26 அம்சங்கள் ஸ்டாண்டர்டாக வழங்கப்பட்டுள்ளன.

ஹூண்டாய் i20 அம்சங்கள்

இதில் ஆறு ஏர்பேக், ESC, HAC, VSM, அனைத்து இருக்கைகளிலும் சீட் பெல்ட் ரைம்டர், மூன்று பாயின்ட் சீட் பெல்ட்கள் ஆகியவை அடங்கும். இதற்கு கூடுதலாக 60-க்கும் மேற்பட்ட இணைக்கப்பட்ட கார் தொழில்நுட்பங்கள், OTA அப்டேட்கள், 10 பிராந்திய மொழிகள், 127 குரல் கட்டளைகள், 52 ஹிங்கிலிஷ் குரல் கட்டளைகள், TPMS, ரிவர்ஸ் சென்சார், ஆட்டோ ஹெட்லைட்ஸ் போன்றவை உண்டு. 

மேற்கூறிய தள்ளுபடிகள் நாடு முழுவதும் ஒரே மாதிரியில் அமலாகாது. நகரம், மாநிலம், டீலர், நிறம், வேரியன்ட், ஸ்டாக் உள்ளிட்ட காரணிகளைப் பொறுத்து சலுகைகள் மாறுபடும். எனவே, கார் வாங்குவதற்கு முன், உங்கள் அருகிலுள்ள ஹூண்டாய் டீலர்ஷிப்பில் துல்லியமான தள்ளுபடி விவரங்களை சரிபார்த்து உறுதி செய்து கொள்ளுங்கள் பரிந்துரைக்கப்படுகிறது.