Cheaper Than D-Mart: டி-மார்ட்டை விட குறைந்த விலை.. பெரிய தள்ளுபடி உடன் கிடைக்கும் மளிகை பொருட்கள்.. முழு விபரம்

Cheaper Than D-Mart: ஒரு காலத்தில் குறைந்த விலை மளிகைப் பொருட்களுக்கு டி-மார்ட் புகழ்பெற்றிருந்தது. ஆனால் இப்போது பல மளிகை ஆப்கள் அதிக தள்ளுபடி மற்றும் விரைவான டெலிவரி மூலம் கடும் போட்டியை உருவாக்குகின்றன.

டி மார்ட் தள்ளுபடி

ஒருகாலத்தில் குறைந்த விலையில் மளிகைப் பொருட்கள் வாங்க வேண்டும் என்றால் பொதுமக்களின் நினைவில் முதலில் டி-மார்ட் என்ற பெயர் வந்தது. மொத்த விற்பனை சலுகைகள், குறைந்த விலை மற்றும் குடும்ப பட்ஜெட்டுக்கு ஏற்ற பொருட்கள் நடுத்தர மக்களின் நம்பிக்கையான முகவரியாக இருந்தது. ஆனால் இப்போது சந்தையின் காற்றே மாறிவிட்டது.

மளிகை ஆப்கள்

டிஜிட்டல் யுகத்தில், மளிகை வாங்கும் பழக்கம் கூட ஸ்மார்ட்போன் திரைக்குள் நுழைந்துவிட்டது. ஜியோ மார்ட், பிளங்கிட், பிக் பாஸ்கெட், அமேசான் ஃப்ரெஷ், ப்ளிப்கார்ட் கிராசரி போன்ற விரைவு மளிகை டெலிவரி ஆப்கள் மற்றும் ஆன்லைன் தளங்கள் டி-மார்ட்டுக்கு நேரடி சவாலை உருவாக்கியுள்ளன. பல பொருட்களில் எம்ஆர்பியை விட 20 முதல் 40 சதவீதம் வரை தள்ளுபடி வழங்கப்படுகிறது, வெறும் 10 முதல் 20 நிமிடங்களுக்குள் வீட்டின் வாசலிலேயே டெலிவரி செய்து வாடிக்கையாளர்களை ஈர்த்து வருகிறது.

ஜியோ மார்ட்

ரிலையன்ஸ் குழுமத்தின் ஜியோ மார்ட் தற்போது விலைபோட்டியில் மிக தீவிரமாக செயல்படுகிறது. கிச்சன் அத்தியாவசியங்கள், எண்ணெய், சாஸ் போன்ற பொருட்களுக்கு பெரிய சலுகைகள் வழங்கப்படுகின்றன. Tata குழுமத்தின் பிக் பாஸ்கெட் தரமான பொருட்கள் மற்றும் தனியார் லேபிள் சலுகைகளால் நகர்ப்புற வாடிக்கையாளர்களை கவர்கிறது. அதேசமயம் Blinkit தனது 10 நிமிட மின்னல் டெலிவரியால் அவசர தேவைகளுக்கான ‘லைஃப்லைன்’ ஆக மாறியுள்ளது.

அமேசான் ஃப்ரெஷ்

இதேபோல் அமேசான் ஃப்ரெஷ் மற்றும் ப்ளிப்கார்ட் கிராசரி மாத இறுதி மற்றும் பண்டிகை கால சலுகைகள் விலையை மேலும் குறைக்கின்றன. வங்கி கார்டு ஆஃபர்களை பயன்படுத்தினால் கூடுதல் தள்ளுபடியும் கிடைக்கும். ஆன்லைனை தவிர்த்து நேரடியாக வாங்க விரும்புவோருக்கு விஷால் மெகா மார்ட் இன்று குறைந்த விலையில் மாற்றாக கருதப்படுகிறது.

குறைந்த விலை பொருட்கள்

ஒரே கடையை நம்பும் பழக்கம் இப்போது செலவைக் கூட்டக்கூடும் என நிபுணர்கள் கூறுகின்றனர். மாதாந்திர மளிகை வாங்குவதற்கு முன் இந்த ஆப்களில் விலையை ஒப்பிட்டு பார்க்கும் பழக்கம் ஆயிரக்கணக்கான ரூபாயை சேமிக்க உதவும். டி-மார்ட்டின் காலத்தை சவால் செய்யும் இந்த விரைவு வர்த்தக புரட்சி, இந்திய ரீடெயில் சந்தையின் புதிய முகமாக உருவெடுத்து வருகிறது.