நிதியாண்டு 2025-26க்கான அட்வான்ஸ் டாக்ஸ் இறுதித் தவணையை மார்ச் 15, 2026க்குள் செலுத்த வேண்டும். ஆண்டு வரிப் பொறுப்பு ரூ.10,000-ஐத் தாண்டும் வரி செலுத்துவோர், வட்டி மற்றும் அபராதத்தைத் தவிர்க்க இந்த கெடுவுக்குள் வரியைச் செலுத்துவது கட்டாயமாகும்.
நிதியாண்டு 2025–26 முடிவுக்கு வரும் நிலையில், வருமான வரி செலுத்துபவர்கள் கவனிக்க வேண்டிய முக்கியமான கடைசி தேதி வந்துள்ளது. குறிப்பாக அட்வான்ஸ் டாக்ஸ் செலுத்த வேண்டியவர்களுக்கு மார்ச் 15, 2026 மிகவும் முக்கியமான நாளாகும். வருமான வரி துறையின் விதிகளின்படி, ஒருவரின் ஆண்டு வரி பொறுப்பு ரூ.10,000-ஐ கடந்தால், அந்த தொகையை முன்கூட்டியே அட்வான்ஸ் டாக்ஸ் வடிவில் செலுத்த வேண்டும். இதன் கடைசி தவணையை மார்ச் 15க்குள் கட்டாயமாக செலுத்த வேண்டும் என்று வருமான வரித்துறை அறிவுறுத்தியுள்ளது.
25
வருமான வரி அலர்ட்
இந்த கடைசி தேதிக்குள் வரி செலுத்தாமல் தவறிவிட்டால், கூடுதல் வட்டி மற்றும் அபராதம் விதிக்கப்படலாம். அதனால் வரி செலுத்துபவர்கள் தங்களின் கணக்கிடப்பட்ட வரி பொறுப்பை சரியாக கணக்கிட்டு, நேரத்திற்கு முன்பே பணம் செலுத்துவது முக்கியம். இது நிதி ஒழுங்கை பேணுவதற்கும், கடைசி நேர சிக்கல்களைத் தவிர்ப்பதற்கும் உதவும்.
35
அட்வான்ஸ் டாக்ஸ் கட்ட கடைசி நாள்
அட்வான்ஸ் டாக்ஸ் என்பது பெரிய நிறுவனங்கள் அல்லது தொழில் நிறுவனங்களுக்கு மட்டுமல்ல. சம்பளத்துடன் கூடுதல் வருமானம் பெறும் பலருக்கும் இந்த விதி பொருந்தும். உதாரணமாக வீட்டு வாடகை வருமானம், வங்கி டெப்பாசிட் வட்டி, டிவிடெண்ட் வருமானம் அல்லது பங்குச்சந்தை முதலீடுகளிலிருந்து கிடைக்கும் லாபம் போன்றவை இருந்தால், அந்த வருமானத்திற்கும் அட்வான்ஸ் டாக்ஸ் செலுத்த வேண்டி இருக்கலாம். ஆனால் 60 வயதுக்கு மேற்பட்ட மற்றும் தொழில் வருமானம் இல்லாத மூத்த குடிமக்களுக்கு இந்த விதியிலிருந்து விலக்கு அளிக்கப்பட்டுள்ளது.
மார்ச் 15க்குள் முழுமையாக வரி செலுத்தப்படவில்லை என்றால், வருமான வரி சட்டத்தின் பிரிவு 234C படி மாதத்திற்கு 1% வட்டி வசூலிக்கப்படும். மேலும் நிதியாண்டு முடிவிற்கு முன் 90% வரி செலுத்தப்படவில்லை என்றால் பிரிவு 234B கீழும் கூடுதல் வட்டி விதிக்கப்படும். இதனால் சிறிய தாமதம் கூட கூடுதல் செலவாக மாறும்.
55
வரித்துறை அறிவிப்பு
இன்றைய டிஜிட்டல் காலத்தில் அட்வான்ஸ் டாக்ஸ் செலுத்துவது மிகவும் எளிதாகியுள்ளது. வருமான வரித்துறையின் அதிகாரப்பூர்வ e-filing portal மூலம் “e-pay tax” வசதியைப் பயன்படுத்தி ஆன்லைனில் பணம் செலுத்தலாம். PAN எண்ணை சரியாக உள்ளிட்டு, சரியான மதிப்பீட்டு ஆண்டு தேர்வு செய்வது முக்கியம். நெட் பேங்கிங், டெபிட் கார்டு அல்லது UPI மூலம் வீட்டிலிருந்தபடியே இந்த பணத்தை செலுத்த முடியும். கடைசி நேர தொழில்நுட்ப சிக்கல்களைத் தவிர்க்க மார்ச் 15க்கு முன்பே வரியை செலுத்துவதற்கு நிபுணர்கள் பரிந்துரைக்கின்றனர்.
வணிகம் (Business Ideas in Tamil), வங்கிகள் (Banking News), நிதி, இந்திய பொருளாதாரம் , உலக சந்தை, பங்கு சந்தை, முதலீடு உள்ளிட்ட பல்வேறு தகவல்கள் மற்றும் சமீபத்திய நிதி செய்திகள் அனைத்தையும் ஏஷ்யாநெட் தமிழ் நியூஸில் படிக்கலாம்.
