பிக் பாஸ் சீசன் 9 போட்டியாளர்களின் சம்பள விவரம்... யாருக்கு கம்மி? யாருக்கு அதிகம்? முழு லிஸ்ட் இதோ

பிக் பாஸ் தமிழ் சீசன் 9 நிகழ்ச்சியில் பங்கேற்றுள்ள போட்டியாளர்களின் சம்பள விவரம் வெளியாகி இருக்கிறது. இதில் யார்.. யாருக்கு எவ்வளவு சம்பளம் வழங்கப்படுகிறது என்பதை பார்க்கலாம்.

Bigg Boss Tamil Season 9 contestants Salary

பிக் பாஸ் தமிழ் சீசன் 9 நிகழ்ச்சி கடந்த அக்டோபர் 5-ந் தேதி தொடங்கப்பட்டது. கடந்த சீசனைப் போல் இந்த சீசனை மக்கள் செல்வன் விஜய் சேதுபதி தான் தொகுத்து வழங்கி வருகிறார். இந்த சீசனில் பிரவீன் காந்தி, அப்சரா, ஆதிரை, பிரவீன், துஷார், கலையரசன், சபரி, திவாகர், விஜே பாரவ்தி, கனி, எஃப் ஜே, அரோரா, ரம்யா ஜோ, விக்கல்ஸ் விக்ரம், கானா வினோத், கெமி, வியானா, சுபிக்‌ஷா, கம்ருதீன், நந்தினி ஆகிய 20 பேர் போட்டியாளர்களாக களமிறங்கினர்.

பிக் பாஸ் சீசன் 9

இதையடுத்து வைல்டு கார்டு போட்டியாளர்களாக பிரஜன், சாண்ட்ரா, திவ்யா கணேஷ், அமித் பார்கவ் ஆகிய நால்வரும் கடந்த சில வாரங்களுக்கு முன்னர் உள்ளே சென்றனர். தற்போது 35 நாட்களைக் கடந்து ஒளிபரப்பாகி வரும் பிக் பாஸ் சீசன் 9 நிகழ்ச்சியில் இருந்து இதுவரை பிரவீன் காந்தி, அப்சரா, ஆதிரை, கலையரசன், துஷார், பிரவீன் ஆகிய ஆறு போட்டியாளர்கள் எலிமினேட் ஆகி உள்ளனர். இதுதவிர நிகழ்ச்சி தொடங்கிய ஐந்தாவது நாளே உடல்நிலை சரியில்லாததால் நந்தினி பிக் பாஸ் வீட்டைவிட்டு வெளியேறினார்.

பிக் பாஸ் போட்டியாளர்கள் சம்பளம்

பிக் பாஸ் தமிழ் வரலாற்றில், மிகவும் மோசமான சீசன் என்கிற பெயரை இந்த சீசன் பெற்று வருகிறது. வழக்கமாக பிக் பாஸில் சினிமா பிரபலங்கள் அதிகளவில் கலந்துகொள்வார்கள். ஆனால் இம்முறை சோசியல் மீடியா பிரபலங்களை தான் அதிகளவில் களமிறக்கி இருந்தனர். அதனால் அவர்களுக்கு கம்மியான சம்பளமே வழங்கப்பட்டு வந்துள்ளது. அதன்படி யார் யாருக்கு எவ்வளவு சம்பளம் என்கிற விவரம் வெளியாகி வைரலாகி வருகிறது.

கம்மி சம்பளம் யாருக்கு?

இந்த சீசனில் மிகவும் கம்மியாக சம்பளம் வாங்கியது கானா வினோத், சுபிக்‌ஷா, கலையரசன் ஆகிய மூவர் தான். இவர்களுக்கு ஒரு நாளைக்கு ரூ.8 ஆயிரம் சம்பளமாக வழங்கப்பட்டது. இவர்களுக்கு அடுத்தபடியாக நாள் ஒன்றுக்கு 10 ஆயிரம் சம்பளம் வாங்குவோர் பட்டியலில் கனி, ஆதிரை, துஷார், எஃப் ஜே ஆகியோர் இடம்பெற்றுள்ளனர். இதற்கு அடுத்தபடியாக இன்ஸ்டா பிரபலம் அரோராவுக்கு ஒரு நாளைக்கு ரூ.12 ஆயிரம் சம்பளமாக வழங்கப்பட்டு வருகிறதாம்.

அதிக சம்பளம் யாருக்கு?

சபரி, பிரவீன் காந்தி, கம்ருதீன், அப்சரா, திவாகர், பிரவீன் ராஜ் ஆகியோருக்கு ரூ.15 ஆயிரம் முதல் 20 ஆயிரம் வரை சம்பளம் வழங்கப்படுகிறதாம். முதலில் பிக் பாஸ் வீட்டுக்குள் எண்ட்ரி கொடுத்த 20 பேரில் அதிகபட்ச சம்பளம் வாங்கும் போட்டியாளராக இருந்தது விஜே பார்வதி தான். அவருக்கு ஒரு நாளைக்கு ரூ.20 ஆயிரம் சம்பளமாக வழங்கப்படுகிறது. இதையடுத்து வந்த வைல்டு கார்டு போட்டியாளர்களான பிரஜன், அமித், திவ்யா கணேஷ், சாண்ட்ரா ஆகியோர் அதிகபட்சமாக ஒரு நாளைக்கு ரூ.30 ஆயிரம் சம்பளம் வாங்குகிறார்களாம்.