பிக்பாஸ் சீசன் 6-ல் வெற்றிபெற்ற பின் தன் மகன் ரயானை சந்தித்து அவனுடன் வெற்றியை கொண்டாடி மகிழ்ந்துள்ளார் அசீம்.
சின்னத்திரை சீரியல்களில் நாயகனாக நடித்து பிரபலமானவர் அசீம். இவர் கமல்ஹாசன் தொகுத்து வழங்கிய பிக்பாஸ் நிகழ்ச்சியின் 6-வது சீசனில் போட்டியாளராக கலந்துகொண்டார். 21 போட்டியாளர்களில் ஒருவராக கடந்த அக்டோபர் மாதம் பிக்பாஸ் வீட்டுக்குள் நுழைந்த அசீம், 106 நாட்கள் பல்வேறு சண்டை, சர்ச்சைகள் என அனைத்தையும் எதிர்கொண்டு வெற்றி கண்டார்.
அசீமின் வெற்றி அவருக்கு மகிழ்ச்சியை தந்தாலும், பிக்பாஸ் ரசிகர்களுக்கு இது மிகுந்த ஏமாற்றத்தை அளித்துள்ளது. பிக்பாஸ் 6 ஆரம்பிக்கப்பட்ட நாளில் இருந்து பிற போட்டியாளர்களை தரக்குறைவாக பேசி, அவர்களிடம் சண்டையிட்டு வந்த ஒருவருக்கு எப்படி டைட்டிலை கொடுத்தார்கள் என்பது தான் பலரது கேள்வியாக உள்ளது.
இதையும் படியுங்கள்... சிம்பு வீட்டுக்கு வந்த புது வாரிசு... மீண்டும் தாத்தா ஆன குஷியில் டி.ராஜேந்தர்
சிலரோ இனி பிக்பாஸே பார்க்க போவதில்லை என்கிற முடிவுக்கு வந்துவிட்டதாக பதிவிட்டு வருகின்றனர். அசீமின் வெற்றிக்கு பல்வேறு விமர்சனங்கள் எழுந்து வரும் நிலையில், அவர் இதைப்பற்றியெல்லாம் கவலைப்படாமல் வெற்றியை கொண்டாடி வருகிறார். குறிப்பாக தனது மகனுக்காக தான் இந்த நிகழ்ச்சியில் கலந்துகொண்டதாக ஆரம்பத்தில் தெரிவித்திருந்த அசீம், வெற்றிபெற்ற பின் தன் மகன் ரயானை சந்தித்து அவனுடன் வெற்றியை கொண்டாடி மகிழ்ந்துள்ளார்.
மகனின் கையில் பிக்பாஸ் கோப்பையையும், ரூ.50 லட்சத்துக்கான காசோலையையும் கொடுத்து மகிழ்ந்த அசீம், அப்போது எடுத்த புகைப்படத்தை தனது இன்ஸ்டாகிராம் பக்கத்தில் பகிர்ந்து, “எனது உயரம் உனது இலக்கல்ல... நீ உயரனும் என்பதே என் இலக்கு..! இந்த வெற்றி உனக்கு சமர்ப்பணம் என் செல்லமே” என உருக்கமாக பதிவிட்டுள்ளார் அசீம். அவரின் இந்த பதிவுக்கு லைக்குகள் குவிந்த வண்ணம் உள்ளன.
இதையும் படியுங்கள்... 22 ஆண்டுகளுக்கு முன்பே அஜித்துக்கு ஜோடியாக நடிக்க வந்த சூப்பர் வாய்ப்பை நழுவவிட்டேன் - துணிவு நடிகை வருத்தம்