ரெனால்ட் விற்பனை படுஜோரு.. முதலிடத்தில் எந்த மாடல்? ரேட்டை கேட்டா வாங்கிடுவீங்க!

நவம்பர் 2025 விற்பனையில் ரெனால்ட் கைகர் இரண்டாம் இடத்திலும், க்விட் விற்பனை சரிவையும் சந்தித்துள்ளது. இதற்கிடையில், புதிய ரெனால்ட் டஸ்டர் 2026 ஜனவரியில் அறிமுகமாகும் என்ற எதிர்பார்ப்பு அதிகரித்துள்ளது.

ரெனால்ட் இந்திய விற்பனை

இந்திய சந்தையில் ரெனால்ட் நிறுவனத்தின் கார்கள் தொடர்ந்து வாடிக்கையாளர்களின் கவனத்தை ஈர்த்து வருகின்றன. 2025 நவம்பர் மாத விற்பனை புள்ளிவிவரங்களின்படி, நிறுவனம் அதிகம் விற்பனையான மாடலாக ரெனால்ட் Triber உருவெடுத்துள்ளது. கடந்த மாதம் மட்டும் இந்த 2,064 யூனிட்கள் விற்பனையாகி, ஆண்டு அடிப்படையில் 38.90 சதவீத வளர்ச்சியைப் பதிவு செய்துள்ளது. கடந்த ஆண்டு இதே காலகட்டத்தில் 1,486 யூனிட்கள் மட்டுமே விற்பனையாகியிருந்தது குறிப்பிடத்தக்கது.

ரெனால்ட் டிரைபர் விற்பனை

மொத்த ரெனால்ட் விற்பனையில் டிரைபர் மட்டும் 56.36 சதவீத பங்கை பெற்றுள்ளது. விற்பனை பட்டியலில் இரண்டாவது இடத்தில் ரெனால்ட் Kiger உள்ளது. நவம்பர் 2025-ல் இந்த கார் 1,151 யூனிட்கள் விற்பனையாகி, 47.75 சதவீத ஆண்டு வளர்ச்சியைக் கண்டுள்ளது. கடந்த ஆண்டு நவம்பரில் இந்த எண்ணிக்கை 779 யூனிட்களாக இருந்தது. நகர்ப்புறம் மற்றும் இளம் வாடிக்கையாளர்களை குறிவைக்கும் இந்த கைகர் மாடல், ரெனால்ட் விற்பனைக்கு முக்கிய ஆதாரமாக இருந்து வருகிறது.

நவம்பர் 2025 கார் விற்பனை

அதே நேரத்தில், விற்பனை பட்டியலில் கடைசி இடத்தில் ரெனால்ட் Kwid உள்ளது. கடந்த மாதம் இந்த மாடல் 447 யூனிட்கள் மட்டுமே விற்பனையாகி, ஆண்டு அடிப்படையில் 18.13 சதவீத சரிவை சந்தித்துள்ளது. எண்ட்ரி-லெவல் ஹேட்ச்பேக் பிரிவில் அதிகரித்து வரும் போட்டி இதற்கு முக்கிய காரணமாக பார்க்கப்படுகிறது. இதற்கிடையே, 2026 ஜனவரியில் இந்திய சந்தையில் மீண்டும் அறிமுகமாக உள்ள ரெனால்ட் Duster மீது பெரும் எதிர்பார்ப்பு உருவாகியுள்ளது.

புதிய டஸ்டர் கார்

ஜனவரி 26 அன்று புதிய டஸ்டரின் முதல் பார்வை வெளியாகும் என அறிவிக்கப்பட்டுள்ளது. இந்த முறை கார் வடிவமைப்பு, கேபின் அம்சங்கள் மற்றும் பவர்டிரெய்னில் முக்கிய மாற்றங்கள் இடம்பெற்றுள்ளன. இருப்பினும், இதன் எதிர்பார்க்கப்படும் விலை குறித்த விவரங்கள் தற்போது வரை அதிகாரப்பூர்வமாக வெளியிடப்படவில்லை என்பது குறிப்பிடத்தக்கது.