ஹோண்டா ஷைன் 100, குறைந்த விலை, அதிக மைலேஜ் மற்றும் குறைந்த பராமரிப்பு செலவு ஆகியவற்றைத் தேடும் வாடிக்கையாளர்களுக்கு ஒரு சிறந்த தேர்வாக விளங்குகிறது. தினசரி பயணங்களுக்கு ஏற்ற கம்யூட்டர் பைக்காக திகழ்கிறது.
புதிய பைக் வாங்க திட்டமிட்டிருக்கிறீர்களா? குறைந்த விலை, அதிக மைலேஜ், குறைந்த பராமரிப்பு செலவு ஆகிய மூன்றையும் ஒரே மாடலில் தேடுபவர்களுக்கு ஹோண்டா ஷைன் 100 ஒரு சிறந்த தேர்வாக இருக்கலாம். தினசரி அலுவலகப் பயணம், குடும்பத் தேவைகள் போன்றவற்றிற்கு ஏற்ற கம்யூட்டர் பைக்காக இது பிரபலமாகியுள்ளது. குறிப்பாக நடுத்தர வர்க்க குடும்பங்களில் நல்ல வரவேற்பைப் பெற்றுள்ளது.
24
ஹோண்டா ஷைன் 100 பைக் விலை
இந்த மாடல் டெல்லியில் ரூ.64,004 (எக்ஸ்-ஷோரூம்) விலை தொடங்குகிறது. ஆன்ரோடு விலை சுமார் ரூ.77,000 வரை செல்கிறது. இந்த விலை வரம்பில், இது ஹீரோ ஸ்பிளெண்டர் பிளஸ்-க்கு நேரடி போட்டியாக உள்ளது. குறைந்த முதலீட்டில் நம்பகமான பைக் வாங்க விரும்புபவர்களுக்கு இது பொருத்தமானதாகக் கருதப்படுகிறது.
34
65–68 கிமீ மைலேஜ் தரும் ஹோண்டா பைக்
ஹோண்டா ஷைன் 100-l 98.98cc திறன் கொண்ட ஏர்-கூல்டு என்ஜின் வழங்கப்பட்டுள்ளது. PGM-FI மற்றும் eSP தொழில்நுட்பம் கொண்ட இந்த இன்ஜின் 7.38 PS சக்தி மற்றும் 8.05 Nm டார்க் உற்பத்தி செய்கிறது. 4-ஸ்பீட் கியர்பாக்ஸுடன் இணைக்கப்பட்டுள்ளதால் நகரப் போக்குவரத்து நெரிசலிலும் சுலபமாக ஓட்ட முடியும். 99 கிலோ எடையுடன் குறுகிய தெருக்களிலும் எளிதாக மெனுவேர் செய்ய முடியும். அதிகபட்ச வேகம் 85 கிமீ/மணி வரை உள்ளது.
இந்த பைக்கின் முக்கிய சிறப்பு அதன் மைலேஜ். நிறுவனம் தெரிவிப்பதன்படி, லிட்டருக்கு 65 கிலோமீட்டர் வரை செல்கிறது. பல பயனர்கள் 65–68 கிமீ வரை மைலேஜ் கிடைக்கிறது என கூறுகின்றனர். 9 லிட்டர் எரிபொருள் டேங்க் வழங்கப்பட்டுள்ளது. பராமரிப்பு செலவு மிகவும் குறைவு. சர்வீஸ் செலவு சுமார் ரூ.800–ரூ.1,200 வரை மட்டுமே இருக்கும். மேலும் 3 ஆண்டு அல்லது 42,000 கிலோமீட்டர் உத்தரவாதமும் வழங்கப்படுகிறது. குறைந்த செலவில் நீண்டநாள் பயன் தரும் பைக்காக ஹோண்டா ஷைன் 100 திகழ்கிறது.
