புதிய டைகன் ஃபேஸ்லிஃப்ட்: பனோராமிக் சன் ரூஃப் மிரட்ட வரும் அம்சங்கள்!

வோல்க்ஸ்வேகன் டைகன் ஃபேஸ்லிஃப்ட் மாடல் மார்ச் 2026ல் அறிமுகமாக உள்ளது. பனோராமிக் சன் ரூஃப், பின்புற மசாஜ் சீட், 8 ஸ்பீட் ஆட்டோமேட்டிக் கியர்பாக்ஸ் போன்ற புதிய அம்சங்களுடன், இது ஹூண்டாய் கிரேட்டா மற்றும் கியா செல்டோஸுக்கு போட்டியாக அமையும்.

வோல்க்ஸ்வேகன் டைகன் ஃபேஸ்லிஃப்ட் மாடல்

வோல்க்ஸ்வேகன் டைகன் ஃபேஸ்லிஃப்ட் மாடல் மார்ச் 2026ல் அறிமுகமாகும் என எதிர்பார்க்கப்படுகிறது. இந்த புதிய பதிப்பில் பனோராமிக் சன் ரூஃப், பின்புற மசாஜ் சீட், 8 ஸ்பீட் ஆட்டோமேட்டிக் கியர்பாக்ஸ் போன்ற வசதிகள் சேர்க்கப்படலாம். 1.0 லிட்டர் மற்றும் 1.5 லிட்டர் TSI என்ஜின்கள் தொடரும் நிலையில், புதிய டார்க் கன்வெர்டர் கியர்பாக்ஸ் சேர்க்கப்படும் என தகவல் வெளியாகி உள்ளது.

8 ஸ்பீடு ஆட்டோமேட்டிக்

இது ஓட்டுநர்களுக்கு மேலும் மென்மையான அனுபவத்தை தரும். முழு எல்இடி ஹெட்லைட்கள், புதிய முன்-பின் வடிவமைப்பு, மேம்பட்ட பாதுகாப்பு அம்சங்கள் போன்றவை சேர்க்கப்படும். 25க்கும் மேற்பட்ட பாதுகாப்பு அம்சங்கள் மற்றும் 5 நட்சத்திர பாதுகாப்பு மதிப்பீடு எதிர்பார்க்கப்படுகிறது.

கியா செல்டோஸுக்கு நேரடி போட்டி

சோதனை மாடல்கள் சாலையில் காணப்பட்டதால், அறிமுகம் நெருங்கி வருகிறது. டைகன் தற்போது சந்தையில் உள்ள ஹூண்டாய் கிரேட்டா மற்றும் கியா செல்டோஸுக்கு நேரடி போட்டியாக இருக்கும். புதிய அம்சங்கள் மற்றும் பாதுகாப்பு மேம்பாடுகள் டைகனை பிரீமியம் எஸ்யூவி சந்தையில் வலுவான போட்டியாளராக மாற்றும்.