இந்தியாவில் பெட்ரோல், டீசல் விலை உயர்வால், அதிக மைலேஜ் தரும் சிஎன்ஜி கார்களின் தேவை அதிகரித்துள்ளது. குறைந்த செலவில் சிறந்த பயண அனுபவத்தை வழங்குகின்றன.
இந்தியாவில் பெட்ரோல், டீசல் விலை தொடர்ந்து உயர்ந்து வரும் நிலையில், குறைந்த செலவில் அதிக மைலேஜ் தரும் சிஎன்ஜி கார்கள் வரவேற்பு அதிகரித்து வருகிறது. ஹைபிரிட் மற்றும் எலக்ட்ரிக் கார்கள் ஆரம்ப முதலீடு அதிகமாக இருக்கும் சூழலில், சிஎன்ஜி மாடல்கள் பலருக்கும் பொருளாதார ரீதியாக சிறந்த தேர்வாக மாறியுள்ளன. குறிப்பாக 1 கிலோ சிஎன்ஜி-க்கு 30 கி.மீ.க்கு மேல் மைலேஜ் தரும் கார்கள் அதிகம் தேடப்படுகின்றன.
25
மாருதி சுசூகி
இந்த பிரிவில் மாருதி சுசூகி முன்னிலை வகிக்கிறது. குறைந்த விலையில் அதிக மைலேஜ் தரும் பல ஹாட்ச்பேக் மற்றும் செடான் மாடல்கள் அதன் வரிசையில் உள்ளன. 34 கி.மீ./கிலோ வரை மைலேஜ் தரும் 5 பிரபல சிஎன்ஜி கார்கள் குறித்து பார்க்கலாம்.
35
மாருதி சுசூகி செலேரியோ சிஎன்ஜி
முதலில், மாருதி சுசூகி செலேரியோ சிஎன்ஜி. இந்தியாவில் அதிக மைலேஜ் தரும் கார்களில் இதுவும் ஒன்று. செலேரியோ VXI சிஎன்ஜி மாடலின் எக்ஸ்-ஷோரூம் விலை ரூ.5.98 லட்சம். இது 34.43 கி.மீ./கிலோ வரை மைலேஜ் தரும் என்று நிறுவனம் தெரிவிக்கிறது. மேலும் வேகன் R சிஎன்ஜி, குடும்பங்களுக்கு ஏற்ற மாடலாக உள்ளது. எல்எக்ஸ்ஐ சிஎன்ஜி விலை ரூ.5.89 லட்சம், விஎக்ஸ்ஐ சிஎன்ஜி ரூ.6.42 லட்சம். இதன் மைலேஜ் 34 கி.மீ./கிலோ.
ஆல்டோ கே10 சிஎன்ஜி நாட்டின் குறைந்த விலை சிஎன்ஜி கார்களில் ஒன்று. LXI S-சிஎன்ஜி விலை ரூ.4.82 லட்சம், VXI S-சிஎன்ஜி ரூ.5.32 லட்சம். இதன் மைலேஜ் 33.85 கி.மீ./கிலோ. செடான் விரும்புபவர்களுக்கு டிசையர் சிஎன்ஜி ஒரு நல்ல தேர்வு. VXI சிஎன்ஜி ரூ.8.03 லட்சம், ZXI சிஎன்ஜி ரூ.9.04 லட்சம். மைலேஜ் 33 கி.மீ./கிலோ.
55
குறைந்த செலவு கார்
பிரீமியம் ஹாட்ச்பேக் பிரிவில் ஸ்விஃப்ட் சிஎன்ஜி மாடலும் கவனம் ஈர்க்கிறது. VXI சிஎன்ஜி ரூ.7.45 லட்சம் முதல் தொடங்குகிறது. இது 32 கி.மீ./கிலோ வரை மைலேஜ் தரும். குறைந்த செலவில் அதிக பயன் தரும் இந்த சிஎன்ஜி கார்கள், தினசரி பயண செலவை குறைக்க விரும்புவோருக்கு நல்ல வாய்ப்புகள் உள்ளன.
