5 Star Safety Cars: குறைந்த விலையில் பாதுகாப்பான காரை வாங்க திட்டமிட்டிருக்கிறீர்களா? இந்தியாவில் 5-ஸ்டார் பாதுகாப்பு மதிப்பீடு பெற்ற சிறந்த கார்கள் பட்டியல் இதோ.
புதிய கார் வாங்கும்போது முன்பெல்லாம் மைலேஜ் மற்றும் விலைக்கே அதிக முக்கியத்துவம் கொடுக்கப்பட்டு வந்தது. ஆனால் தற்போது நிலைமை மாறியுள்ளது. குடும்பத்தின் பாதுகாப்பைக் கருத்தில் கொண்டு, 5-ஸ்டார் பாதுகாப்பு மதிப்பீடு பெற்ற கார்களையே பலரும் தேர்வு செய்யத் தொடங்கியுள்ளனர். நல்ல விஷயம் என்னவென்றால், அத்தகைய பாதுகாப்பு அம்சங்கள் இப்போது குறைந்த விலை கார்களிலும் கிடைக்கத் தொடங்கியுள்ளன.
25
டாடா பஞ்ச்
இந்திய சந்தையில் பட்ஜெட்டுக்குள் கிடைக்கும் பாதுகாப்பான கார்களில் டாடா பஞ்ச் முக்கிய இடத்தைப் பிடிக்கிறது. ரூ.5.64 லட்சம் (எக்ஸ்-ஷோரூம்) ஆரம்ப விலையில் கிடைக்கும் இந்த கார், இந்தியா NCAP-ல் 5-ஸ்டார் பாதுகாப்பு மதிப்பீடு பெற்றுள்ளது. ஆறு ஏர்பேக்குகள், எலக்ட்ரானிக் ஸ்டெபிலிட்டி கன்ட்ரோல் (ESC), 360 டிகிரி கேமரா, டயர் பிரஷர் மானிட்டரிங் சிஸ்டம் உள்ளிட்ட பல பாதுகாப்பு வசதிகளும் இதில் வழங்கப்பட்டுள்ளன.
35
நிசான் மேக்னைட்
இதேபோல் ரூ.5.65 லட்சம் ஆரம்ப விலையில் கிடைக்கும் நிசான் மேக்னைட், பெரியவர்களுக்கான பாதுகாப்பில் Global NCAP-ன் 5-ஸ்டார் மதிப்பீட்டைப் பெற்றுள்ளது. டாடா அல்ட்ராஸ் (ரூ.5.99 லட்சம்) இந்தியா NCAP-ல் 5-ஸ்டார் மதிப்பீடு பெற்றது, அனைத்து இருக்கைகளுக்கும் 3-பாய்ண்ட் சீட் பெல்ட் மற்றும் ஆறு ஏர்பேக்குகள் போன்ற பாதுகாப்பு அம்சங்களை வழங்குகிறது. இதனால் இந்த மூன்று கார்கள் பாதுகாப்பை முன்னிலைப்படுத்தும் வாங்குபவர்களின் கவனத்தை ஈர்க்கின்றன.
காம்பாக்ட் செடான் பிரிவில் மாருதி சுசுகி டிசைர் முக்கிய தேர்வாக உள்ளது. ரூ.6.26 லட்சம் ஆரம்ப விலையில் கிடைக்கும் இந்த கார், Global NCAP மற்றும் India NCAP ஆகிய இரண்டிலும் 5-ஸ்டார் பாதுகாப்பு மதிப்பீடு பெறப்பட்டுள்ளது. ABS, EBD, ESP, ISOFIX சைல்டு சீட் மவுண்ட் உள்ளிட்ட பாதுகாப்பு வசதிகளும் இதில் இடம்பெற்றுள்ளன.
55
டாடா நெக்ஸான்
சற்று அதிக பட்ஜெட் உள்ளவர்கள் டாடா நெக்ஸானை பரிசீலிக்கலாம். ரூ.7.37 லட்சம் ஆரம்ப விலையில் கிடைக்கும் இந்த SUV, Global NCAP மற்றும் India NCAP ஆகிய இரண்டிலும் 5-ஸ்டார் மதிப்பீடு பெற்றுள்ளது. ஆறு ஏர்பேக்குகள், ESC, ISOFIX, அனைத்து இருக்கைகளுக்கும் சீட் பெல்ட் நினைவூட்டல் உள்ளிட்ட பல பாதுகாப்பு அம்சங்களுடன், குடும்ப பயன்பாட்டிற்கு நம்பகமான தேர்வாக இது திகழ்கிறது.
