முச்சந்தியில் நடக்கக்கூடாது, ரோட்டில் கிடக்கும் எலுமிச்சை, குங்குமம், மஞ்சள் போன்றவற்றின் மேல் கால் வைக்கக் கூடாது என்று வீட்டில் பெரியவர்கள் சொல்வதை கேட்டிருப்போம். ஏன் சொல்கிறார்கள் என்று தெரியுமா?
இன்றும் பலர் சில விஷயங்களை நம்புகிறார்கள். குறிப்பாக ரோட்டில் போடப்பட்டு இருக்கும் மந்திரித்த மஞ்சள், குங்குமம், எலுமிச்சை போன்றவற்றின் மேல் கால் வைக்கக் கூடாது. முச்சந்தியில் மாலை நேரத்தில் நடக்கக் கூடாது போன்ற சில விஷயங்களை கட்டாயம் கடைபிடிக்கின்றனர். தவறுதலாக இவற்றின் மேல் வைத்தால் என்னவாகும்? ஜோதிடர்கள் என்ன கூறுகின்றனர்?
இதனால் தங்களுக்கு ஏதோ கெட்டது நடக்கும் என்று நம்புபவர்கள் பலர் இருக்கிறார்கள். உண்மையில் இதற்கு எந்த அறிவியல் ஆதாரமும் இல்லை. ஆனால் ஜோதிடத்தில் இந்த விஷயங்கள் மிகவும் முக்கியமானதாக கருதப்படுகின்றன. ஜோதிடத்தின் படி ரோட்டில் எந்தெந்த பொருட்களின் மேல் கால் வைக்கக் கூடாது என்பதை இப்போது தெரிந்து கொள்வோம்.
ஜோதிடத்தின் படி இறந்த உயிரினத்தின் மேல் தவறுதலாக கூட கால் வைப்பது நல்லதல்ல. இதனால் நீங்கள் பாவம் செய்ததற்கு சமம். மேலும், இறந்த உயிரினத்தின் உடலில் இருந்து வெளிப்படும் எதிர்மறை ஆற்றல் உங்கள் மீதும் தாக்கத்தை ஏற்படுத்தும் என்று கூறுகிறார்கள்.
எரிந்த மரக்கட்டை இரண்டு விஷயங்களுக்கு அடையாளம். ஒன்று அந்த மரக்கட்டையால் மனிதர்களை தகனம் செய்வது. அல்லது அந்த மரக்கட்டையை வைத்து ஏதாவது தாந்திரீக பரிகாரம் செய்யலாம். அதனால் தான் ரோட்டில் கிடக்கும் எரிந்த மரக்கட்டையின் மேல் தவறுதலாக கூட கால் வைக்கக்கூடாது என்று ஜோதிடர்கள் கூறுகிறார்கள்.
ஜோதிடர்களின் கூற்றுப்படி நல்லதோ கெட்டதோ இந்த ஆற்றல் இரண்டும் முதலில் தலை வழியாகத்தான் உடலுக்குள் செல்லும் என்று கூறுகிறார்கள். அதனால் தான் இதுபோன்ற சூழ்நிலையில் ஒரு சக்தி முடியிலும் வளரும் என்று நம்புகிறார்கள். எனவே ரோட்டில் கிடக்கும் முடியின் மேல் கால் வைக்காதீர்கள்.
எதுவாக இருந்தாலும் சரி, உணவை அவமதிக்கக்கூடாது. உணவை அவமதிப்பது கடவுளையே அவமதிப்பதற்கு சமம். அதனால் தான் உணவை மிதிக்கக்கூடாது என்று கூறுகிறார்கள். இவற்றுடன் தானியங்களை மந்திரத்திற்கும் பயன்படுத்துகிறார்கள். எனவே ரோட்டில் கிடக்கும் உணவை மிதிக்கக் கூடாது. அதன் மேல் நடக்கவும் கூடாது.
பெரியவர்கள் சொல்வது போல் வளையல்கள், குங்குமம், மஞ்சள், கற்பூரம், கருப்பு துணிகள், கிழிந்த செருப்புகள், எலுமிச்சை, மிளகாய், கிராம்பு போன்றவை ரோட்டில் இருந்தால் அவற்றின் மேல் தவறுதலாகக் கூட கால் வைக்காதீர்கள். இல்லையெனில் எதிர்மறை ஆற்றல் உடலுக்குள் செல்லும்.