தங்கள் ராசியின் அடிப்படையில் சில ராசிக்கார்கள் தங்கள் மனைவிக்காக எதையும் செய்வார்களாம். அவர்கள் எந்தெந்த ராசிக்காரர்கள் என்று பார்க்கலாம்.
ஒரு நபரின் ராசி மற்றும் நட்சத்திரத்தை வைத்தே அவர் எப்படிப்பட்டவர் என்பதையும், அவரின் குணாதிசியங்களையும் கணிக்க முடியும் என்று ஜோதிட சாஸ்திரம் கூறுகிறது. அந்த வகையில் தங்கள் ராசியின் அடிப்படையில் சில ராசிக்கார்கள் தங்கள் மனைவிக்காக எதையும் செய்வார்களாம். அவர்கள் எந்தெந்த ராசிக்காரர்கள் என்று பார்க்கலாம்.
ரிஷபம்
உறுதியான மனம் கொண்ட ரிஷப ராசிக்காரர்கள், தங்கள் துணையிடம் மிகவும் அர்ப்பணிப்பு உணர்வுடன் இருப்பார்கள். பரந்த இதயத்துடன், தனது அன்பை துணைக்கு வெளிப்படுத்துவதில் வல்லவர்கள். தங்கள் அன்பை சொல்லில் காட்டுவதை விட செயலில் காட்டுவதையே இவர்கள் விரும்புவார்கள். தனது மனைவியின் மகிழ்ச்சியை உறுதிப்படுத்த என்ன வேண்டுமானாலும் செய்வார்கள். நம்பகத்தன்மைக்கு பெயர் பெற்ற ரிஷப ராசிக்காரர்கள் தங்கள் துணைக்கு அசைக்க முடியாத ஆதரவையும் பாதுகாப்பான புகலிடத்தையும் வழங்குவார்கள்.
கடகம்
ஆழ்ந்த உணர்ச்சிகளை கொண்ட கடக ராசிக்கார்களின் காதலும் எப்போதும் பிரகாசமாக இருக்கும். உள்ளுணர்வு திறன் இவர்களுக்கு அதிகமாக இருக்கும் என்பதால் தங்கள் மனைவியின் தேவைகளை புரிந்துகொள்வதில் திறமையானவர்களாக இருப்பார்கள். இதயப்பூர்வமான செயல்கள் தொடங்கி வீட்டை பாதுகாத்து பராமரிப்பது வரை இவர்களின் அன்பு எல்லையற்றதாக இருக்கும். இன்னும் சொல்லப் போனால் கடக ராசிக்கார்கள் ஒவ்வொரு செயலையுமே அன்புடனும் அக்கறையுடனும் செய்வார்கள்.
சிம்மம்
சிம்ம ராசிக்காரர்கள் தங்கள் உறவுகளில் அரவணைப்பையும் ஆர்வத்தையும் வெளிப்படுத்தி கொண்டே இருப்பார்கள். மிகவும் உற்சாகமானவர்களாக இருக்கும் சிம்ம ராசிக்காரர்கள் தங்கள் உற்சாகம் மற்றும் பிரம்மாண்ட பரிசுகள் மூலம் தங்கள் மனைவியை அசர வைப்பார்கள், தங்கள் மனைவிக்கு மறக்க முடியாத தருணங்களை உருவாக்க எதை வேண்டுமானாலும் செய்ய தயாராக இருப்பார்கள். இவர்களின் காதல் வாழ்க்கை அன்பு மற்றும் சந்தோஷத்தால் நிறைந்திருக்கும்.
மீனம்
மீன ராசிக்காரர்கள் அதிகமாக கனவு காண்பவர்கள். ஆனால் இவர்கள் காதலை பற்றி காணும் நிஜமாக மாறும். ஆம். இரக்க குணம் கொண்ட மீன ராசிக்காரர்கள் தங்கள் மனைவிகளின் உணர்ச்சிகளும், ஆசைகளுக்கு மிகுந்த முக்கியத்துவம் கொடுப்பார்கள். தங்கள் மனைவின் ஆசைகளை நிறைவேற்ற அதிக முயற்சி செய்ய தயாராக இருப்பார்கள். தங்கள் மனைக்கு உணர்வுப்பூர்வமான அன்பை கொடுக்க தயங்கவே மாட்டார்கள். மேலும் தங்கள் மனைவியை எப்பொதும் நேசிக்கும் சிறந்த வாழ்க்கை துணையாகவும் இருப்பார்கள்..
சேனலை கிளிக் செய்து பின்தொடரவும்