வீட்டில் மகிழ்ச்சி, செழிப்பு மற்றும் நேர்மறை சக்தியை அதிகரிக்க சில எளிய வாஸ்து நெறிமுறைகளைப் பின்பற்றலாம். தினசரி பழக்கமாக மாற்றினால், இந்த வழிமுறைகள் வீட்டில் அதிர்ஷ்டத்தையும் நன்மையையும் நிலைநிறுத்தும்.
வீட்டில் நேர்மறை சக்தி நிலைத்திருக்க செய்யவேண்டிய விசேஷ வழிமுறைகள்
வீடு என்பது ஒருவரின் வாழ்க்கையின் பிரதிபலிப்பாகும். அமைதி, சந்தோஷம், செழிப்பு ஆகியவை வீட்டின் சூழலோடு நேரடியாக தொடர்புடையவை. வாஸ்து சாஸ்திரத்தின் படி, சில சிறிய நடைமுறைகளை கடைப்பிடிப்பதன் மூலம் வீட்டில் நன்மை, மகிழ்ச்சி மற்றும் செல்வ வளம் அதிகரிக்க முடியும். இந்த வழிமுறைகள் தினசரி பழக்கமாகினால், வீட்டில் எப்போதும் நேர்மறை சக்தியும் அதிர்ஷ்டமும் நிலைத்திருக்கும்.
முதலாவதாக, வீட்டின் தலைவாயிலை சுத்தமாக வைத்திருப்பது மிக அவசியம். வாசல் என்பது நேர்மறை சக்திகள் நுழையும் வாயிலாகக் கருதப்படுகிறது. வாசலில் எப்போதும் மாக்கோலம் மிளிர வேண்டும். இது ஒரு மங்கலக் குறியாக மட்டும் இல்லாமல், வீட்டிற்குள் புனிதத்தையும் சக்தியையும் அழைக்கும். இந்த நெறிமுறை பின்பற்றும் வீடுகளில் மகாலட்சுமியின் கடாட்சம் நிலைத்திருக்கும் என்று நம்பப்படுகிறது.
27
வெளிச்சம் தரும் சந்தோஷம்
அடுத்து, வீட்டின் உள் பகுதியில் எப்போதும் வெளிச்சம் நிலவ வேண்டும். இயற்கை வெளிச்சம் வீட்டில் சுறுசுறுப்பையும் புத்துணர்ச்சியையும் கொண்டு வரும். அதற்காக சாளரங்களை திறந்து வைக்க வேண்டும். தினசரி மாலை நேரங்களில் மின் விளக்குகளையும் ஏற்றி வைக்கலாம்.
37
தீபம் தூபமும் நல்லதே
வாரம் ஒருமுறை, குறிப்பாக வெள்ளிக் கிழமைகளில் சாம்பிராணி அல்லது குங்குலிய தூபம் இடுவது மிகவும் விசேஷமான ஒன்று. இந்த தூபத்தின் வாசனை மனதிற்கும் வீட்டிற்கும் அமைதியை தரும். அதே சமயம், இது மகாலட்சுமிக்கு மிகவும் பிடித்த வாசனை என்றும் கூறப்படுகிறது. தூப வாசனை தீய சக்திகளை அகற்றும் சக்தி உடையதாகவும் கருதப்படுகிறது.
ஒவ்வொரு இரவிலும், வீட்டின் வெளியே கற்பூரம் ஏற்றுவது வாஸ்து ரீதியாக மிக நல்ல ஒரு பழக்கம். இது வீடு சுற்றியுள்ள எதிர்மறை சக்திகளை வெளியேற்றும் மற்றும் சூழலை தூய்மையாக வைத்திருக்கும்.
57
இறைவனை அழைக்கும் ஸ்படிகக் கற்கள்
ஸ்படிகக் கற்கள் ஒரு சக்திவாய்ந்த பொருளாக கருதப்படுகிறது. பூஜை அறையில் ஸ்படிகக் கற்களை வைக்கும் பழக்கத்தால், அந்த இடத்தில் நேர்மறை அதிர்வுகள் அதிகரிக்கும். இது மன அமைதி, ஆன்மீக வளர்ச்சி மற்றும் செல்வ விருத்திக்கு உதவுகிறது.
.
67
தண்ணீர் சிக்கனம் தேவை
குளியறை மற்றும் சமையலறை போன்ற பகுதிகளில் நீர் விரயம் இல்லாதபடி கவனம் செலுத்த வேண்டும். குழாய்களில் கசிவு இருக்கக்கூடாது. நீர் என்பது வாழ்வின் அடிப்படை ஆதாரம். அதனால், அதை வீணாக்காமல், ஒரு பாத்திரத்தில் நீர் சேமித்து வைப்பது நல்லது. இது பணவளத்தை காப்பாற்றும் ஒரு வாஸ்து நெறிமுறையாகவும் உள்ளது.
77
சுத்தம் சுகாதாரம் நம்பிக்கை
இவை அனைத்தும் தினசரி வாழ்வில் எளிதில் கடைபிடிக்கக்கூடியவை. இந்த வழிமுறைகள் சுத்தம், ஒழுக்கம் மற்றும் நம்பிக்கையை அடிப்படையாகக் கொண்டவை. வீட்டில் இதைப் பின்பற்றுவதன் மூலம், அதிர்ஷ்டமும் செல்வ ளமும் உங்கள் வாசலில் நிரந்தரமாக இருக்கும்
