Birth Date : இந்த தேதியில் பிறந்தவர்கள் சகலகலா வல்லவர்கள்; எதையும் சாதிப்பார்கள்!!

எண் கணிதத்தின் படி, எந்த தேதியில் பிறந்தவர்கள் பன்முகத்தன்மை உடையவர்கள் என்று இந்த பதிவில் பார்க்கலாம்.

எண் கணித ஜோதிடம்

நாம் ஒவ்வொருவருக்கும் ஏதாவது ஒரு விஷயத்தில் ஒரு சிறப்பு திறமை இருக்கும். அந்த திறமையால் பிறரை சுலபமாக கவர்ந்துவிடலாம். ஆனால் ஒரு சிலர் இருக்கிறார்கள் அவர்கள் எல்லாவற்றிலும் சகலகலா வல்லவர்களாக இருப்பார்கள். அவர்களால் முடியாதது ஏதுமில்லை. இப்படிப்பட்டவர்களை பன்முகத்தன்மை உடையவர்கள் என்று நாம் அழைக்கிறோம். இந்த திறமையானது பிறந்த தேதியுடன் வரும் என்று சொன்னால் உங்களால் நம்ப முடிகிறதா? ஆனால் அது தான் உண்மை. எண் கணிதத்தின் படி, ஒரு குறிப்பிட்ட தேதிகளில் பிறந்தவர்களுக்கு இந்த திறமை இருக்கும் என்று சொல்லப்படுகிறது. அந்த தேதிகளின் பட்டியல் இங்கே. அதில் நீங்கள் பிறந்த தேதி இருக்கிறதா? என்று பார்க்கலாம் வாருங்கள்.

எண் 5

எண் கணிதத்தின் படி, எந்த மாதத்திலும் 5 ஆம் தேதியில் பிறந்தவர்கள் ரொம்பவே சுறுசுறுப்பானவர்கள். அவர்கள் படிக்கும் பாடம், செய்யும் வேலை என அனைத்தையும் உற்சாகமாக செய்வார்கள். மேலும் புதிய விஷயங்களை கற்றுக் கொள்வதில் ஆர்வமாக இருப்பார்கள். வாழ்க்கையில் வரும் தடைகளை உறுதியாக தாங்கி நிற்பார்கள். அனுபவத்திலிருந்து புதிய புதிய விஷயங்களை கற்றுக் கொள்வார்கள். வாழும் வாழ்க்கையை மகிழ்ச்சியாக வாழ வேண்டும் என்று ஆசை இருப்பதால் அதன்படி வாழ்வார்கள். இவர்கள் பிறருடன் எளிதில் பழகுவார்கள். புதிய தொழில்நுட்பம் மற்றும் பல விஷயங்களை பற்றி அறிந்து கொள்வார்கள். இவர்களுக்கு தெரியாதது எதுவுமே இல்லை. இவர்கள் ஒரு துறையில் வேலை பார்த்தாலும், பல துறைகளில் அறிவு இவர்களுக்கு உண்டு.

எண் 14

எண் கணிதத்தின் படி, எந்த மாதத்திலும் 14 ஆம் தேதியில் பிறந்தவர்கள் ரொம்பவே திறமையானவர்கள். அவர்களுக்கு தெரியாதது எதுவுமே இல்லை. ஒருவேளை அவர்களுக்கு ஏதாவது தெரிய விட்டால் அதை பற்றி அறிந்து கொள்ள ஆர்வமாக இருப்பார்கள். இவர்களிடம் நிறைய தலைமைத்துவ குணங்கள் இருக்கிறது. சிக்கல்கள் வந்தால் அதை ஆராய்ந்து தீர்வு காண்பார்கள். எதிர்காலத்தை பற்றி அதிகமாக சிந்திப்பார்கள். முதலீடு குறித்த அறிவும்ம் உண்டு. இவர்கள் தங்களது அறிவை விரிவுபடுத்த பல விஷயங்களை ஆராய விரும்புவார்கள். முக்கியமாக இவர்கள் தங்களது திறமை மற்றும் நோக்கத்தை முன்னிலைப்படுத்துவார்கள். வணிகம் மற்றும் நிதி துறையில் இவர்கள் திறமையானவர்கள்.

எண் 21

எண் கணிதத்தின் படி, எந்த மாதத்திலும் 21 ஆம் தேதியில் பிறந்தவர்கள் ரொம்பவே சுறுசுறுப்பானவர்கள். இவர்களுக்கு நிறைய அறிவு உண்டு. இவர்கள் ரொம்ப புத்திசாலித்தனமாக சிந்திப்பார்கள். படைப்பாற்ற மிக்கவர்கள். புதிய வாய்ப்புகளை ஆராய்வதிலும், புதிய விஷயங்களை கற்றுக் கொள்வதிலும் எப்போதுமே விரும்புவார்கள். வணிகம் மற்றும் தகவல் தொடர்பு துறைகளில் இவர்கள் சிறந்து விளங்குவார்கள்.

எண் 23

எண் கணிதத்தின் படி, எந்த மாதத்திலும் 23ம் தேதியில் பிறந்தவர்கள் சமூக ரீதியாக ரொம்பவே கவர்ச்சியானவர்கள். புதிய விஷயங்களை புரிந்து கொள்ளவும் திறமையானவர்கள். இவர்களிடம் இருக்கும் ஆர்வம் காரணமாக இவர்களுக்கு தெரியாதது எதுவுமே இல்லை. பேசுவதில் ரொம்பவே திறமையானவர்கள் என்பதால் அனைவரையும் இருப்பார்கள். வணிகம், இசை, தொழில்நுட்பம் போன்ற துறைகளில் இவர்களுக்கு திறமை அதிகம்.