This Week Rasi Palan: துலாம் ராசி நேயர்களே, குருவின் பார்வையால் இந்த வாரம் பல நல்ல காரியங்கள் நடக்கப் போகுது.!

This Week Rasi Palan: அக்டோபர் 27 முதல் நவம்பர் 02 ஆம் தேதி வரையிலான காலக்கட்டம் துலாம் ராசிக்காரர்களுக்கு எப்படி இருக்கப்போகிறது என்பது குறித்த வார ராசிப்பலன்கள் பற்றி இந்த பதிவில் விரிவாகப் பார்க்கலாம்.

வார ராசிப்பலன்கள் - துலாம்

துலாம் ராசி நேயர்களே, இந்த வாரம் குருவின் பலத்தால் எதிர்பாராத நல்ல வாய்ப்புகள் தேடி வரலாம். தெய்வ பக்தி மற்றும் ஆன்மீகத்தில் நாட்டம் அதிகரிக்கும். காரியங்களில் ஏற்பட்டிருந்த தடைகள் அனைத்தும் நீங்கி வெற்றி உண்டாகும். நிலுவையில் உள்ள நீதிமன்ற வழக்குகள் சாதகமாக முடியும். உங்களின் செயல்பாடுகளில் ஆணவத்தை குறைத்து, நிதானத்தை கடைபிடிப்பது நல்லது.

நிதி நிலைமை:

இந்த வாரம் பண வரவு திருப்திகரமாக இருக்கும். முதலீடுகளைப் பற்றி ஆலோசிப்பதற்கு நல்ல நேரம் ஆகும். இந்த வாரம் உங்களுக்கு நிறைய பணம் தேவைப்படலாம். அதற்கான நிதி உதவி கிடைப்பதற்கும் சிரமங்களை சந்திக்கலாம். எனவே செலவுகளில் கவனம் தேவை. சிலருக்கு பூர்வீக சொத்துக்கள் மூலம் ஆதாயம் கிடைக்கும். சிலருக்கு புதிய வாகனம் வாங்கும் யோகம் கிடைக்கும்.

ஆரோக்கியம்:

இந்த வாரம் ஆரோக்கியத்தில் கூடுதல் கவனம் தேவைப்படலாம். பெரியவர்களின் ஆரோக்கியத்தில் கவனத்துடன் இருக்க வேண்டியது அவசியம். உங்கள் ஆரோக்கியத்தை மேம்படுத்த உணவுப் பழக்கத்தை மேம்படுத்த வேண்டும். வழக்கமான உடற்பயிற்சி மற்றும் தியானம் செய்வது மன அழுத்தத்தை குறைக்க உதவும். குடும்பத்தில் நடக்கும் சுப நிகழ்வுகளால் மன அழுத்தம் மற்றும் பதட்டம் குறையும்.

கல்வி:

இந்த வாரம் மாணவர்களுக்கு சாதகமான காலமாக இருக்கும். பாடங்களை புரிந்து கொள்வதில் இருந்த சிரமங்கள் நீங்கும். தனிப்பட்ட வாழ்க்கையில் ஏற்பட்ட குழப்பங்கள் நீங்குவதால், படிப்பில் அதிக கவனம் செலுத்த முடியும். குருவின் பார்வை இருப்பதால் உயர் கல்வி பயிலும் மாணவர்களுக்கு சாதகமான சூழல் ஏற்படும்.

தொழில் மற்றும் வியாபாரம்:

பணியிடத்தில் உங்கள் உழைப்புக்கு ஏற்ற பாராட்டுக்கள் கிடைக்கும். புதிய பொறுப்புகள் அல்லது தலைமைப் பதவிகள் தேடி வரலாம். தொழிலில் லாபம் அதிகரிக்கும். தொழிலை விரிவாக்கம் செய்வதற்கான முயற்சிகள் பலனளிக்கும். மேலதிகாரிகளுடன் பேசும் பொழுது மரியாதையாக பேசுவது நல்லது. பணியிடத்தில் புதிய திட்டங்கள் தாமதமாகலாம்.

குடும்ப உறவுகள்:

குடும்ப உறவுகளைப் பொறுத்தவரை கணவன் மனைவிக்கு இடையே இருந்த கருத்து வேறுபாடுகள் நீங்கி அன்யோன்யம் அதிகரிக்கும். வீட்டில் மகிழ்ச்சியான சூழல் நிலவும். குடும்பத்தின் நலனுக்காக மேலும் உழைக்கத் தொடங்குவீர்கள். உறவினர்களால் சில சங்கடங்கள் அல்லது பிரச்சனைகள் ஏற்படக்கூடும் என்பதால் உறவினர்களிடம் அளவோடு பேசுவது நல்லது.

பரிகாரம்:

சுக்கிரனுக்கு உரிய மந்திரங்களை உச்சரிப்பது நன்மை தரும். “ஓம் பார்கவாய நமஹ:” என்கிற மந்திரத்தை 24 முறை உச்சரிப்பது பலன்களை அதிகரிக்கும். துர்க்கை அம்மனை வணங்கி வர காரியங்கள் கைகூடும். மனக்கவலை தீரும். தெரிந்தோ, தெரியாமலோ யாருக்காவது தீங்கு செய்திருந்தால், அவர்களுக்கு இந்த வாரத்தில் நன்மைகளை செய்து விடுங்கள்.

(பொறுப்பு துறப்பு: இந்தக் கட்டுரையில் குறிப்பிடப்பட்டுள்ள தகவல்கள் அனைத்தும் ஜோதிட கருத்துக்கள், மத நூல்கள், பஞ்சாங்கம் ஆகியவற்றை அடிப்படையாகக் கொண்டவை. இதை ஏசியாநெட் தமிழ் நிறுவனம் சரி பார்க்கவில்லை. தகவல்களை வழங்குவது மட்டுமே எங்கள் நோக்கம். இதன் துல்லியம், நம்பகத்தன்மை மற்றும் விளைவுகளுக்கு ஏசியாநெட் தமிழ் நிறுவனம் எந்த வகையிலும் பொறுப்பேற்காது)