Thalapathy 66 :ராஷ்மிகாவும் இல்ல.. கீர்த்தி சுரேஷும் இல்ல- தளபதி 66-ல் விஜய்யுடன் டூயட் பாடப்போவது இவர் தானாம்

Thalapathy 66 : தளபதி 66 படத்தின் மீதான எதிர்பார்ப்பு நாளுக்கு நாள் அதிகரித்த வண்ணம் உள்ள நிலையில், இதில் விஜய்க்கு ஜோடியாக நடிக்கப்போகும் நடிகை குறித்த பல்வேறு தகவல்கள் வெளிவந்த வண்ணம் உள்ளன.

ஏப்ரலில் பீஸ்ட் ரிலீஸ்

தமிழ் திரையுலகில் முன்னணி மாஸ் நடிகராக வலம் வருபவர் விஜய். இவர் நடிப்பில் தற்போது பீஸ்ட் திரைப்படம் தயாராகி உள்ளது. நெல்சன் திலீப்குமார் இயக்கி உள்ள இப்படத்தில் நடிகர் விஜய்க்கு ஜோடியாக தெலுங்கு நடிகை பூஜா ஹெக்டே நடித்துள்ளார். சன் பிக்சர்ஸ் நிறுவனம் பிரம்மாண்டமாக தயாரித்துள்ள இப்படத்திற்கு ராக்ஸ்டார் அனிருத் இசையமைத்துள்ளார். இப்படம் வருகிற ஏப்ரல் மாதம் 13-ந் தேதி திரைக்கு வருகிறது.

தளபதி 66-க்கு தயாராகும் விஜய்

இதனிடையே விஜய் நடிக்க உள்ள அடுத்த படம் குறித்த அறிவிப்பு கடந்த சில மாதங்களுக்கு முன் வெளியானது. அதன்படி விஜய்யின் 66-வது படத்தை பிரபல டோலிவுட் இயக்குனர் வம்சி இயக்க உள்ளார். இவர் ஏற்கனவே தமிழில் கார்த்தி நடிப்பில் வெளியான தோழா படத்தை இயக்கிவர் ஆவார். மேலும் இப்படத்தை தெலுங்கு திரையுலகின் முன்னணி தயாரிப்பாளர் தில் ராஜு தயாரிக்க உள்ளார். இப்படம் மூலம் நடிகர் விஜய் தெலுங்கு திரையுலகில் அறிமுகமாக உள்ளார்.

ஹீரோயின் யார்?

இப்படத்தின் மீதான எதிர்பார்ப்பு நாளுக்கு நாள் அதிகரித்த வண்ணம் உள்ள நிலையில், இதில் விஜய்க்கு ஜோடியாக நடிக்கப்போகும் நடிகை குறித்த பல்வேறு தகவல்கள் வெளிவந்த வண்ணம் உள்ளன. முதலில் கீர்த்தி சுரேஷ் நடிக்க உள்ளதாக கூறப்பட்டது. பின்னர் ராஷ்மிகா மந்தனா நடிப்பார் என தெரிவிக்கப்பட்டது. ஆனால் இது இரண்டுமே உண்மையில்லை என்பது தெரியவந்துள்ளது.

இந்நிலையில், சமீபத்திய தகவல்படி தளபதி 66 படத்தில் விஜய்க்கு ஜோடியாக பிரபல பாலிவுட் நடிகை கீர்த்தி சனோன் நடிக்க உள்ளதாக கூறப்படுகிறது. இந்த கூட்டணி உறுதியானால், நடிகை கீர்த்தி சனோன் தமிழில் நடிக்கும் முதல் படமாக இது அமையும். தளபதி 66 படத்தின் படப்பிடிப்பு அடுத்த மாதம் பூஜையுடன் தொடங்க உள்ளது.

இதையும் படியுங்கள்...  ஒரே ஒரு பிட்டு படத்துல மட்டும் நடி... கொச்சையாக பேசிய நெட்டிசனை பொளந்து கட்டிய ‘குக் வித் கோமாளி’ பிரபலம்