பொங்கலுக்கு விஜயை எதிர்த்து களமிறங்கும் விஜய்சேதுபதி.....!!!
சுருக்கம்
வரும் பொங்கல் தினத்தில் இளையதளபதி விஜய்யின் 'பைரவா' உள்பட 7 திரைப்படங்கள் வெளியாகவுள்ள நிலையில், தற்போது 8வது படமாக விஜய்சேதுபதி நடித்த படம் ஒன்றும் வெளியாகவுள்ளது.
இதனால் எந்த வருடமும் இல்லாத வகையில் வரும் 2017ஆம் ஆண்டு பொங்கல் தினத்தில் கடும் போட்டி இருக்கும் என்று எதிர்பார்க்கப்படுகிறது.
வரும் பொங்கல் போட்டியில் இளையதளபதி விஜய்யின் 'பைரவா', சூர்யாவின் 'எஸ் 3, ஜி.வி.பிரகாஷின் 'புரூஸ் லீ', கலையரசனின் 'அதே கண்கள்', அருண்விஜய்யின் 'குற்றம் 23', கிருஷ்ணாவின் 'யாக்கை', நகைச்சுவை படமான 'எனக்கு வாய்த்த அடிமைகள்' ஆகிய 7 படங்களுடன் தற்போது விஜய்சேதுபதியின் 'புரியாத புதிர்' படமும் இணைந்துள்ளது.
இந்த தகவலை இயக்குனர் ரஞ்சித் ஜெயகொடி தனது சமூக வலைத்தளத்தில் உறுதி செய்துள்ளார்.
ரஞ்சித் ஜெயகொடி இயக்கியுள்ள 'புரியாத புதிர்' படத்தில் விஜய்சேதுபதி, காயத்ரி, ரமேஷ் திலக், சோனியா தீப்தி, உள்பட பலர் நடித்துள்ளனர்.
சைக்காலஜீக்கல் த்ரில்லர் படமான இந்த படத்திற்கு சி.எஸ்.சாம் இசையமைத்துள்ளார். ரெபல் ஸ்டுடியோ நிறுவனம் தயாரித்துள்ள இந்த படத்திற்கு தினேஷ் கிருஷ்ணன் ஒளிப்பதிவும், பவன்ஸ்ரீகுமார் படத்தொகுப்பும் செய்துள்ளனர்.
பொங்கலுக்கு எட்டு படங்கள் ரிலீஸ் என்று அறிவிக்கப்பட்ட போதிலும் கடைசி நேரத்தில் ஏதாவது ஒருசில படங்கள் பின்வாங்கவும் வாய்ப்பு உள்ளதாக கூறப்படுகிறது.
தமிழ் சினிமா (Tamil Cinema News), டிவி நிகழ்ச்சிகள் (Tamil TV Shows), செலிபிரிட்டி செய்திகள் மற்றும் சமீபத்திய அப்டேட்களுக்காக ஏஷ்யாநெட் தமிழ் நியூஸின் பொழுதுபோக்கு பிரிவை ஆராயுங்கள். சினிமா விமர்சனங்கள் (Tamil Movies Review), நட்சத்திரங்களின் நேர்காணல்கள், தொடர்களில் நடக்கும் ட்ராமா மற்றும் பொழுதுபோக்கு உலகின் டிரெண்ட்ஸ்பாட்டிங்குடன் எப்போதும் புதுப்பித்த நிலையில் இருங்கள். திரையரங்குப் பின்னணி கதைகள்,டிரெய்லர் வெளியீடுகள்மற்றும் ரெட் கார்பெட் தருணங்களை அறிந்து கொள்ளுங்கள்.