Valimai OTT Release: அதற்குள் மவுஸு குறைந்த அஜித்தின் வலிமை திரைப்படம்!ஒரு மாதத்திற்குள் OTT தளத்தில் வெளியீடு

Valimai OTT Release: கடந்த மாதம் 24ஆம் தேதி ரீலிஸ் செய்யப்பட்ட வலிமை திரைப்படம் வெளியாகி, இன்னும் 1 மாதம் கூட ஆகாத நிலையில் OTT தளத்தில் வெளியாகவுள்ளதாக தகவல் வெளியாகியுள்ளது.

எச்.வினோத் இயக்கத்தில் அஜித்தின் வலிமை படம் கடந்த மாதம் திரையரங்குகளில் வெளியாகி ஓடிக் கொண்டிருக்கிறது. போனி கபூர் தயாரித்துள்ள இப்படத்திற்கு யுவன் ஷங்கர் ராஜா இசையமைக்க, ஜிப்ரான் பின்னணி இசையமைத்துள்ளார். இப்படத்தில் நடிகர் அஜித் போலீஸ் அதிகாரியாக நடித்துள்ளார். இப்படத்தில் ஹீரோயினாக காலா பட நடிகை ஹூமா குரேஷி நடித்துள்ளார். குக் வித் கோமாளி புகழ் உள்ளிட்ட நட்ச்சத்திர பட்டாளங்கள் நடித்துள்ளனர். 

மவுஸு குறைந்த அஜித்தின் வலிமை படம்:

2019ம் ஆண்டு விஸ்வாசம் திரைப்படத்திற்கு பிறகு திரையரங்கில் வெளியாகி உள்ள படம் வலிமை என்பதால் இப்படத்தின் மீது எதிர்பார்ப்பு அதிகமாக இருந்தது. பைக் ரேஸ் காட்சிகள், சண்டைகாட்சிகள் சென்டிமெண்ட் படம் முழுக்க இருந்ததால், சிலர் சுமாரான படம் என்று கருத்து கூறி வருகின்றனர். ஆனால் அஜித்தின் ரசிகர்களோ படத்தை கொண்டாடி வருகின்றனர்.தியேட்டர் முன் குவிந்த அஜித் ரசிகர்கள் பட்டாசுகள் வெடித்தும், அஜித்தின் பேனருக்கு பாலாபிஷேகம் செய்தும் கொண்டாடினர்.  

கலவையான விமர்சனம்: 

இது தமிழ், தெலுங்கு, இந்தி, கன்னடம் என 4 மொழிகளில் வெளியாகி உள்ளது. ரசிகர்களின் பேராதரவை தொடர்ந்து வலிமை திரைப்படம் வசூலில் புதிய சாதனை படைத்திருந்தது. உலக அளவில் இதுவரை 200 கோடிக்கு மேல் வசூல் செய்து சாதனை படைத்துள்ளது. இருப்பினும், பெரியளவில் எதிர்பார்க்கப்பட்ட வலிமை திரைப்படம் வெளியானது முதல் கலவையான விமர்சனங்களையே அதிகமாக பெற்றது.

விரைவில் OTT-ல் ரீலிஸ்:

இதனிடையே, 2019ம் ஆண்டு விஸ்வாசம் திரைப்படத்திற்கு பிறகு, கடந்த மாதம் 24ஆம் தேதி ரீலிஸ் செய்யப்பட்ட வலிமை திரைப்படம் வெளியாகி, இன்னும் 1 மாதம் கூட ஆகாத நிலையில் OTT தளத்தில் வெளியாகவுள்ளதாக தகவல் வெளியாகியுள்ளது.

மேலும், அதன்  OTT தளத்தின் உரிமத்தை Zee 5-கைப்பற்றியுள்ளதாகவும், அதன் வெளியீட்டு அறிவிப்பு வரும் 20 ஆம் தேதி வரும் என்றும் தகவல் கிடைத்துள்ளது.