டெல்லியில் தலயின் "வலிமை" பட சூட்டிங்!
சுருக்கம்
மறைந்த நடிகை ஸ்ரீதேவியின் கணவர் போனி கபூர் தயாரிப்பில் எச்.வினோத் இயக்கத்தில், அஜித் நடிப்பில் வெளியான படம் "நேர்கொண்ட பார்வை".
இந்தப் படம் விமர்சன ரீதியாகவும், வசூல் ரீதியாகவும் நல்ல வரவேற்பைப் பெற்றது. இந்தப் படத்தை தொடர்ந்து, அஜித்தின் 60-வது படத்திலும் இந்தக் கூட்டணி இணைந்துள்ளது. இந்தப் படத்துக்கு "வலிமை" என டைட்டில் வைக்கப்பட்டுள்ளது.
கடந்த 18-ம் தேதி பூஜையுடன் தொடங்கப்பட்ட இந்தப் படம், ஆக்ஷன் ஜானரில் உருவாகவுள்ளது. நேர்கொண்ட பார்வை படத்தை தொடர்ந்து, வலிமைக்கும் நிரவ் ஷா ஒளிப்பதிவு செய்ய யுவன்சங்கர் ராஜா இசையமைக்கவுள்ளார்.
ஏற்கெனவே படத்தின் தொழில்நுட்பக்குழு உறுதிசெய்யப்பட்ட நிலையில், படத்தில் அஜித்தின் ஜோடியாக நடிக்கும் நடிகை யார்? என்பது முடிவாகவில்லை. நயன்தாரா, கீர்த்தி சுரேஷ் என பலரின் பெயர்கள் அடிப்பட்டாலும், பாலிவுட் நடிகை பரினீத்தி சோப்ரா ஹீரோயினாக கமிட்டாகலாம் என கூறப்படுகிறது.
இதனிடையே, வலிமை படத்தின் முதற்கட்ட படப்பிடிப்பு வரும் டிசம்பரில் டெல்லியில் தொடங்கவுள்ளதாகவும், அடுத்த ஆண்டு ஏப்ரல் மாதத்திற்குள் படத்தை முடிக்க படக்குழு ப்ளான் செய்துள்ளதாகவும் தகவல் வெளியாகியுள்ளது.
மேலும், படத்தில் நடிக்கும் மற்ற நடிகர், நடிகையர் குறித்த அறிவிப்பும் விரைவில் வெளியாகும் என கூறப்படுகிறது.
தமிழ் சினிமா (Tamil Cinema News), டிவி நிகழ்ச்சிகள் (Tamil TV Shows), செலிபிரிட்டி செய்திகள் மற்றும் சமீபத்திய அப்டேட்களுக்காக ஏஷ்யாநெட் தமிழ் நியூஸின் பொழுதுபோக்கு பிரிவை ஆராயுங்கள். சினிமா விமர்சனங்கள் (Tamil Movies Review), நட்சத்திரங்களின் நேர்காணல்கள், தொடர்களில் நடக்கும் ட்ராமா மற்றும் பொழுதுபோக்கு உலகின் டிரெண்ட்ஸ்பாட்டிங்குடன் எப்போதும் புதுப்பித்த நிலையில் இருங்கள். திரையரங்குப் பின்னணி கதைகள்,டிரெய்லர் வெளியீடுகள்மற்றும் ரெட் கார்பெட் தருணங்களை அறிந்து கொள்ளுங்கள்.