மெர்சல் படத்தின் டிரைலர் வரவே வராதாம் – அடித்துக் கூறும் படக்குழு…

The trailer of Mersal is not release

தளபதி நடிப்பில் உருவாகியுள்ள மெர்சல் படத்தின் டிரைலர் வராது என்று விஜய் ரசிகர்களிடம் படக்குழு தெரிவித்துள்ளது.

தெறி படத்தின் வெற்றியைத் தொடர்ந்து அட்லி இயக்கத்தில் தளபதி விஜய் முதன் முறையாக மூன்று வேடங்களில் நடித்து வரும் படம் மெர்சல்.

இதில், சமந்தா, காஜல் அகர்வால் மற்றும் நித்யா மேனன் ஆகியோர் விஜய்க்கு ஜோடியாக நடித்துள்ளனர்.

சமீபத்தில், இப்படத்தின் டீசர் வெளியாகி ரசிகர்களிடயே நல்ல வரவேற்பைப் பெற்றதோடு உலக சாதனையும் படைத்தது.

இதனைத் தொடர்ந்து டிரைலரை வெளியிட்டால் சாதனை படைக்க காத்திருக்கிறோம் என்று விஜய் ரசிகர்கள் டிவிட்டரில் கூறி வருகின்றனர். எனவே, டிரைலரை உடனே வெளியிடுங்கள் என்று டெவிட்டரில் படக்குழுவினருக்கு வேண்டுகோளும் வைத்துள்ளனர் விஜய் ரசிகர்கள்.

ஆனால், படக்குழுவினர்கள் மெர்சல் படத்தின் டிரைலர் வெளியிடும் திட்டம் இல்லை என்று தெரிவித்துவிட்டனர்.

மெர்சல் படம் வெளியாக ஒரேயொரு வாரம் மட்டும் இருப்பதால் இப்படத்தின் மீதமுள்ள போஸ்ட் புரோடக்ஷன் பணிகள் இரவு பகலாக நடந்து வருகிறது. இதனால், மெர்சல் டிரைலரை உருவாக்க நேரமில்லை என்றும் அவர்கள் தெரிவித்துள்ளனர்.

அதே வேளையில், இப்படத்தின் புரோமோ வீடியோ அல்லது மெர்சல் ஸ்டில்ஸ் போன்றவை தீபாவளி வரை தினமும் ஒவ்வொன்றாக வெளிவரும் என்று படக்குழுவினர் உறுதியளித்து உள்ளனர்.

இதனால் மெர்சல் படத்தின் டிரைலர் இல்லை என்பதற்கு வருத்தப்படுவதா அல்லது மெர்சல் படம் வெளியாகப் போகிறது என்பதற்கு மகிழ்ச்சி அடைவதா என்ற மனநிலையில் உள்ளனர் ரசிகர்கள்.