சத்யராஜிற்கு மேனேஜராக இருந்த தயாரிப்பாளர் ராமநாதன் மரணம்; திரையுலகினர் இரங்கல்!
சுருக்கம்
Tamil Film Producer Ramanathan Passed Away : சத்யராஜிற்கு மேனேஜராக இருந்த தமிழ் பட தயாரிப்பாளர் ராமநாதன் உடல் நலக் குறைவு காரணமாக இன்று உயிரிழந்தார்.
தமிழ் சினிமாவில் பிரபல தயாரிப்பாளராக இருந்தவர் ராமநாதன். பல ஆண்டுகளாக நடிகர் சத்யராஜூவுடன் மேலாளராக பணியாற்றிய இவர், சத்யராஜ் நடிப்பில் வெளியான வாத்தியார் வீட்டு பிள்ளை, வள்ளல், நடிகன், திருமதி பழனிச்சாமி, பிரம்மா, வில்லாதி வில்லன் உள்ளிட்ட பல படங்களை தயாரித்துள்ளார்.
தயாரிப்பாளர் ராமநாதன், உடல்நலக்குறைவால் பாதிக்கப்பட்டு சென்னையில் தனியார் மருத்துவமனையில் அனுமதிக்கப்பட்டிருந்த நிலையில், இன்று அவர் மரணமடைந்தார். 72 வயதாகும் ராமநாதனுக்கு, பிரமிளா என்ற மனைவியும், காருண்யா, சரண்யா என இரு மகள்களும் உள்ளனர்.
மகள்கள் வெளிநாட்டில் இருப்பதால் அவர்கள் சென்னை திரும்பியதும், நாளை மறுநாள் 9ஆம் தேதி ராமநாதனின் இறுதிச்சடங்கு நடைபெறும் என்று தகவல் வெளியாகியுள்ளது. தற்போது ராமநாதன் மறைவுக்கு, ரசிகர்கள் மற்றும் திரையுலக பிரபலங்கள் என பலரும் இரங்கல் தெரிவித்து வருகின்றனர்.
தமிழ் சினிமா (Tamil Cinema News), டிவி நிகழ்ச்சிகள் (Tamil TV Shows), செலிபிரிட்டி செய்திகள் மற்றும் சமீபத்திய அப்டேட்களுக்காக ஏஷ்யாநெட் தமிழ் நியூஸின் பொழுதுபோக்கு பிரிவை ஆராயுங்கள். சினிமா விமர்சனங்கள் (Tamil Movies Review), நட்சத்திரங்களின் நேர்காணல்கள், தொடர்களில் நடக்கும் ட்ராமா மற்றும் பொழுதுபோக்கு உலகின் டிரெண்ட்ஸ்பாட்டிங்குடன் எப்போதும் புதுப்பித்த நிலையில் இருங்கள். திரையரங்குப் பின்னணி கதைகள்,டிரெய்லர் வெளியீடுகள்மற்றும் ரெட் கார்பெட் தருணங்களை அறிந்து கொள்ளுங்கள்.