ET Movie: வலிமைக்கு டஃப் கொடுத்த சூர்யாவின் எதற்கும் துணிந்தவன் ...வசூலில் ரூ. 200 கோடியை தொட்டு சாதனை..!

Etharkkum Thunindhavan: சூர்யாவின் ''எதற்கும் துணிந்தவன்'' படம் பாக்ஸ் ஆபிஸில், பட்டையை கிளப்பி வருகிறது. இந்த திரைப்படம்  தற்போது உலக அளவில் ரூ 175 கோடியை தாண்டி வசூல் செய்துள்ளதாக தகவல் வெளியாகியுள்ளது.

சூர்யாவின் ''எதற்கும் துணிந்தவன்'' படம் பாக்ஸ் ஆபிஸில், பட்டையை கிளப்பி வருகிறது. இந்த திரைப்படம்  தற்போது உலக அளவில் ரூ 175 கோடியை தாண்டி வசூல் செய்துள்ளதாக தகவல் வெளியாகியுள்ளது.

சூர்யாவின் நடிப்பில், பாண்டியராஜ் இயக்கத்தில் உருவான எதற்கும் துணிந்தவன் திரைப்படம் தமிழ், மலையாளம், தெலுங்கு, இந்தி, கன்னடம் என 5 மொழிகளில் பான் இந்தியத் திரைப்படமாக கடந்த மார்ச் 10ம் தேதி திரையரங்குகளில் வெளியானது. 

நட்சத்திர பட்டாளங்கள்:

சூர்யாவின் 40வது திரைப்படமான எதற்கும் துணிந்தவன், சன் பிக்சர்ஸ் நிறுவனம் தயாரித்துள்ளது. இமான் இசையமைத்துள்ள இந்த படத்துக்கு ரத்னவேலு ஒளிப்பதிவு செய்துள்ளார். இப்படத்தில் சூர்யாவுடன் இணைந்து பிரியங்கா மோகன், சத்யராஜ், சூரி உள்ளிட்ட பல முன்னணி நட்சத்திரங்கள் நடித்திருந்தனர்.

இரண்டு ஆண்டு காத்திருப்பிற்கு பிறகு திரையரங்கில்:

கடந்த 2019ம் ஆண்டு சூர்யாவின் நடிப்பில் கடைசியாக காப்பான் படம், திரையரங்கில் வெளியாகி இருந்தது. அதன் பிறகு சூர்யா நடிப்பில் வெளியான சூரரைப் போற்று, ஜெய் பீம் போன்ற படங்கள் ஓடிடியில் வெளியானது. இரண்டு ஆண்டுகளுக்கு பிறகு சூர்யா நடிப்பில் திரையரங்கில் வெளியானதால் ரசிகர்கள் ஏகோபித்த வரவேற்பை பெற்று வருகிறது.

கதைக்களம்:

தமிழகத்தை உலுக்கிய பொள்ளாச்சி பாலியல் விவகாரத்தை மையமாக வைத்து, எடுக்கப்பட்ட படம் என்பதால் பேமிலி ஆடியன்ஸ் மத்தியில், பாஸிட்டிவான விமர்சனத்தை பெற்று வருகிறது. ஆக்‌ஷன், காமெடி, ரொமான்ஸ் என பக்கா கமர்ஷியல் படமாக ரிலீசான இப்படத்தை சூர்யா ரசிகர்கள் கொண்டாடி வருகின்றனர்.

வலிமை VS  எதற்கும் துணிந்தவன்:

கடந்த மாதம் 24ஆம் தேதி வெளிவந்த ரசிகர்களின் ஏகோபித்த வரவேற்பை பெற்ற  படம் அஜித்தின் வலிமை. இந்த படம் உலகம் முழுவதும் 200 கோடியை தாண்டியும் வசூல் செய்துள்ளதாக போனி கபூர் அண்மையில் அதிகாரப்பூர்வமாக அறிவித்திருந்தார். இதையடுத்து, நேற்று மார்ச் 25-ந் தேதி இப்படம் ஜீ5 ஓடிடி தளத்தில் வெளியாகி உள்ளது.

சூர்யாவின் எதற்கும் துணிந்தவன் வசூல் விவரம்:

வலிமை படத்தை தொடர்ந்து, கடந்த மார்ச் 10 ம் தேதி சூர்யா நடிப்பில் வெளிவந்த பிரமாண்ட திரைப்படம் எதற்கும் துணிந்தவன். இப்படம் வெளியான 5 நாட்களில் ரூ.100 கோடிக்கு மேல் வசூலித்து சாதனை படைத்தது. தமிழகத்தில் மட்டுமே சுமார் 35 கோடி ரூபாய் வசூல் செய்திருந்தது. 

இந்நிலையில், தற்போது உலக அளவில் இப்படம் ரூ 175 கோடி வசூல் செய்துள்ளதாக தகவல் வெளியாகியுள்ளது. மேலும்,  சூர்யாவின் நடிப்பில் வெளியான 'சிங்கம் 2'  ரூ 130 கோடி வசூல் செய்ததே அவரது சாதனையாக இருந்த நிலையில் தற்போது அவரது சாதனையை அவரே எதற்கும் துணிந்தவன் படத்தின் மூலம் முறியடித்துள்ளது குறிப்பிடத்தக்கது.