‘பீஸ்ட்’டில் செல்வராகவன் வில்லன் இல்ல... ஆனா வில்லங்கமான கேரக்டர் கொடுத்த நெல்சன் - லீக்கான தகவல்

நெல்சன் இயக்கத்தில் பிரம்மாண்டமாக தயாராகி உள்ள பீஸ்ட் படத்தில் செல்வராகவன் வில்லனாக நடித்துள்ளதாக கூறப்பட்டு வந்த நிலையில், தற்போது அவரது கேரக்டர் குறித்த தகவல் லீக்காகி உள்ளது. 

தமிழ் சினிமாவில் தனித்துவமான இயக்குனராக வலம் வருபவர் செல்வராகவன். இவர் படங்களுக்கு என மிகப்பெரிய ரசிகர் பட்டாளமே உண்டு. குறிப்பாக செல்வராகவன் - தனுஷ் கூட்டணியில் உருவாகும் படங்களுக்கு தனி மவுசு என்றே சொல்லலாம். இவர்கள் இருவரும் இதுவரை காதல் கொண்டேன், புதுப்பேட்டை, மயக்கம் என்ன போன்ற படங்களில் பணியாற்றி உள்ளனர்.

அடுத்ததாக செல்வராகவன் இயக்கத்தில் உருவாகும் ‘நானே வருவேன்’ படத்திலும் தனுஷ் தான் ஹீரோவாக நடித்து வருகிறார். இதுதவிர இவர்கள் இருவரும் ஆயிரத்தில் ஒருவன் படத்தின் இரண்டாம் பாகத்திலும் இணைந்து பணியாற்ற உள்ளனர்.

இவ்வாறு பிசியான இயக்குனராக வலம் வரும் செல்வராகவன், தற்போது நடிப்பிலும் கவனம் செலுத்தி வருகிறார். அதன்படி அருண் மாதேஸ்வரன் இயக்கத்தில் சாணிக் காயிதம், விஜய்யின் பீஸ்ட் போன்ற படங்களில் நடித்து முடித்துள்ளார். இப்படங்களின் படப்பிடிப்பு முடிந்து பின்னணி பணிகள் விறுவிறுப்பாக நடைபெற்று வருகிறது.

குறிப்பாக இதில் நெல்சன் இயக்கத்தில் செல்வராகவன் நடித்துள்ள பீஸ்ட் படம் பிரம்மாண்டமாக தயாராகி உள்ளது. இப்படத்தில் செல்வராகவன் வில்லனாக நடித்துள்ளதாக கூறப்பட்டு வந்த நிலையில், தற்போது அவரது கேரக்டர் குறித்த தகவல் லீக்காகி உள்ளது. அதன்படி பீஸ்ட் படத்தில் இயக்குனர் செல்வராகவன் அரசியல்வாதியாக நடித்துள்ளாராம். இது ஒரு ஜாலியான கேரக்டராக இருக்கும் எனவும் கூறப்படுகிறது.

பீஸ்ட் படத்திற்கு அனிருத் இசையமைத்துள்ளார். சன் பிக்சர்ஸ் நிறுவனம் தயாரித்துள்ள இப்படத்தில் விடிவி கணேஷ், அபர்ணா தாஸ், யோகிபாபு, பூஜா ஹெக்டே என மிகப்பெரிய நட்சத்திர பட்டாளமே நடித்துள்ளது. பீஸ்ட் படம் வருகிற ஏப்ரல் மாதம் தமிழ் புத்தாண்டையொட்டி திரையரங்குகளில் ரிலீசாக உள்ளது.