"எப்போ குழந்தை பிறக்கும்...?" - கேள்வி கேட்ட ரசிகருக்கு டெலிவரி தேதியை சொல்லி அசரடித்த சமந்தா!

தமிழ் மற்றும் தெலுங்கு திரையுலகில் முன்னணி நடிகையாக வலம் வருபவர் நடிகை சமந்தா. தெலுங்கில் 'விண்ணைத்தாண்டி வருவாயா' ரீமேக்கான 'ஏ மாய சேஸாவே' படத்தில் பிரபல தெலுங்கு நடிகர் நாகர்ஜுனாவின் மகன் நாக சைதன்யாவுடன் சமந்தா இணைந்து நடித்திருந்தார்.   

அந்தப் படத்திலிருந்தே காதலித்து வந்த இருவரும், கடந்த 2017ஆம் ஆண்டு திருமணம் செய்து கொண்டனர். தாம்பத்திய வாழ்வில் இணைந்த பிறகும், சமந்தா தொடர்ந்து படங்களில் பிசியாக நடித்து வருகிறார். 

இதனால், எப்போது குழந்தை பெற்றுக் கொள்ளப்போகிறீர்கள் என்று பலரும் கேள்வி எழுப்பி வந்தனர். இதைக்கேட்டு கேட்டு சலித்துப் போன சமந்தாவிடம், மீண்டும் கர்ப்பம் குறித்து அவரது ரசிகர்கள் கேள்வி எழுப்பியுள்ளனர். 

சமீபத்தில் புனேவில் இருந்து ஹைதராபாத் செல்வதற்காக விமான நிலையத்தில் காத்திருந்த சமந்தா, ரசிகர்களின் கேள்விகளுக்கு இன்ஸ்டாகிராமில் வீடியோ வாயிலாக உரையாடினார். அப்போது ரசிகர் ஒருவர், "உங்களுக்கு குழந்தை எப்போது பிறக்கும்?" என கேட்டதற்கு, சற்றும் கோவிக்காமல் அதிரடியான பதிலை கொடுத்தார் சமந்தா.

 "எனது உடல்நிலை பற்றி கவலை கொள்பவர்களுக்கு, எனக்கு குழந்தை எப்போது பிறக்கும் என்றால் 2022ம் ஆண்டு ஆகஸ்ட் 7ம் தேதி காலை 7 மணிக்கு பிறக்கும்" என பதில் அளித்து கேள்வி கேட்ட ரசிகரை அசரடித்துள்ளார் 

சமந்தா.எப்போது குழந்தை பிறக்கும்? என கேள்வி கேட்ட ரசிகருக்கு டெலிவரி தேதியைக் கூறி அசரடித்த சமந்தாவின் பதில், தற்போது சமூக வலைதளங்களில் வைரலாகி வருகிறது.