ஜூன் 30-ஆம் தேதி ரிலீஸ் ஆகுமா நெஞ்சம் மறப்பதில்லை; டவுட்டு தான்…

nejam marapathillai Release on June 30th its not sure

இரண்டாம் உலகம் படத்தின் தோல்விக்குப் பிறகு சில ஆண்டுகள் கழித்து செல்வராகவன் இயக்கியுள்ள படம் நெஞ்சம் மறப்பதில்லை.

எஸ்.ஜே. சூர்யா, ரெஜினா, அட்டகத்தி நந்திதா உள்பட பலர் நடித்துள்ள இந்த படத்திற்கு யுவன் ஷங்கர் ராஜா இசையமைத்துள்ளார். இப்படம் பல மாதங்களுக்கு முன்பே ரிலீசுக்கு தயாராகி விட்ட நிலையில் படம் வெளியாவதில் தாமதம் ஏற்பட்டது. இந்தப் படத்தை தயாரித்துள்ள இயக்குனர் கெளதம்மேனன்.

இந்த நிலையில், ஜூன் 30-ந்தேதி ரிலீஸ் செய்வதாக தற்போது விளம்பரம் செய்யப்பட்டு வருகிறது. இந்த தேதியில் நெஞ்சம் மறப்பதில்லை படம் ரிலீஸ் ஆகுமா என்று ஆவலோடு எதிர்ப்பார்க்கப்பட்டு வருகிறது.

தயாரிப்பு நிறுவனம் சிலருக்கு சம்பள பாக்கி கொடுக்க வேண்டியிருப்பதாகவும், பேச்சுவார்த்தை நடந்து வருவதாகவும் கூறப்படுவதால் ஜூன் 30-ஆம் தேதியும் படம் ரிலீஸ் ஆவது டவுட்டு என்ற தகவல் கசிந்துள்ளது.