Star Movie : "டாடா படம் பார்த்து ஏமாந்துட்டேன்".. STAR படம் - நடிகர் கவினை பங்கமாக கலாய்த்த ப்ளூ சட்டை மாறன்!

Blue Sattai Maran : சூப்பர் படம் என்று ரசிகர்களுக்கு தோன்றினாலும் அது சுமாராக கூட இல்லை என்று தனது தனித்துவமான ஸ்டைலில் விமர்சனம் கூறி நிட்டிசன்களின் ஏகோபித்த கோபத்திற்கு ஆளாகும் நபர்தான் ப்ளூ சட்டை மாறன்.

ஏற்கனவே இந்த கோடை விடுமுறைக்கு வெளியான திரைப்படங்களை தனது ரிவ்யூ மூலம் வறுத்து எடுத்து வரும் ப்ளூ சட்டை மாறன் கவின் நடிப்பில் அண்மையில் வெளியாகி நல்ல வரவேற்பை பெற்று வரும் ஸ்டார் திரைப்படத்தையும் பெரிய அளவில் விமர்சித்துள்ளார். அதுவும் நடிகர் கவின் மற்றும் இயக்குனர் இளன் ஆகிய இருவரையும் வறுத்தெடுத்துள்ளார்.  

அறிமுக இயக்குனர் இளன் இயக்கத்தில் ஏற்கனவே பிரபல நடிகர் ஹரிஷ் கல்யாண் நடிக்க ஒப்பந்தமாகி, அதன் பிறகு அவர் அந்த படத்தில் இருந்து விலகிய நிலையில், பிரபல நடிகர் கவின் இந்த ஸ்டார் திரைப்படத்தில் நடித்திருந்தார். ரசிகர்கள் இந்த படத்திற்கு பெரிய அளவில் வரவேற்பு கொடுத்து வருகின்றனர். 

இருப்பினும் ப்ளூ சட்டை மாறன் கொடுத்துள்ள விமர்சனத்தில் "நடிகனாக வேண்டும் என்று ஆசைப்பட்டு தோற்றுப் போன ஒருவரின் மகன், நடிகனாக வேண்டுமென்று ஆசைப்படுகிறார். ஆனால் அதற்காக ஏன் அவர் பாம்பை வரை சென்று நடிப்புக் கல்லூரியில் பயில்கிறார் என்பது தெரியவில்லை. ஏன் தமிழகத்தில் நல்ல பயிற்சி பள்ளிகளே இல்லையா?" 

"முதல் பாதியில் ஒரு காதலியடனும், இரண்டாம் பாதியில் ஒரு காதலியுடனும் கவின் பயணித்து வருகிறார். அவர்கள் ஏன் இந்த கதைக்குள் வந்தார்கள் என்று யாருக்கும் தெரியவில்லை. அவர்களுடைய காட்சிகளை நீக்கினாலும் படம் அப்படியே தான் இருக்கும். அறிமுக இயக்குனர் ஈலன் இந்த படத்தை முற்றிலும் சொதப்பி வைத்துள்ளார்". 

டாடா படத்தை பார்த்து கவினுக்கு நல்ல கதை கேட்கும் திறன் இருக்கிறது என்று நினைத்தேன். ஆனால் அதனை ஏமாற்றும் வகையில் ஒன்றுக்கும் ஆகாத ஒரு கதையில் கவின் நடித்து முடித்துள்ளார்" என்று ப்ளூ சட்டை மாறன் விமர்சனத்தை முன்வைக்க, வழக்கம் போல இணையத்தில் அவருக்கு எதிராக வசைபாடிவருகின்றனர் நெட்டிசன்கள்.