சக்கைபோடு போடும் சிங்கப்பூர் சலூன்.. எமோஷனல் ஹீரோவாக மாறியுள்ள ஆர்.ஜே.பாலாஜி - வெளியான அவர் சம்பள விவரம்!

RJ Balaji Salary : பிரபல நடிகர் ஆர்.ஜே.பாலாஜி நடிப்பில் வெளியாகியுள்ள சிங்கப்பூர் சலூன் திரைப்படம் மக்கள் மத்தியில் நல்ல வரவேற்பை பெற்றுள்ளது.

பண்பலை தொகுப்பாளராக தனது பயணத்தை துவங்கிய ஆர்.ஜே பாலாஜி, சினிமா துறையில் கிடைத்த நண்பர்கள் மூலம் சிறு சிறு கதாபாத்திரங்கள் ஏற்று நடிக்க துவங்கினார். வெள்ளித் துறையில் கடந்த 2015 ஆம் ஆண்டு பிரபல இயக்குனர் விக்னேஷ் சிவன் இயக்கத்தில் வெளியான "நானும் ரவுடிதான்" என்கின்ற திரைப்படத்தில் மிகப்பெரிய வரவேற்பு பெற்றார். 

ஆர் ஜே பாலாஜி அந்த படத்தில் நடித்ததற்காக விருதுகளும் சிறந்த நகைச்சுவை நடிகருக்காக பிரிவில் வழங்கப்பட்டது. தொடர்ச்சியாக பல திரைப்படங்களில் முன்னணி நடிகர்களோடு இணைந்து காமெடி கதாபாத்திரங்களில் நடித்து வந்த ஆர் ஜே பாலாஜி மெல்ல மெல்ல ஹீரோவாக ஒரு சில படங்களில் களமிறங்க துவங்கினார். 

தற்பொழுது அவர் நடிப்பில் பல திரைப்படங்கள் வெளியாகி வரும் நிலையில் நீண்ட நாட்களாக வெளியாகாமல் இருந்த அவருடைய "சிங்கப்பூர் சலூன்" திரைப்படம் கடந்த ஜனவரி 25ஆம் தேதி வெளியாகி மக்கள் மத்தியில் நல்ல வரவேற்பை பெற்று வருகிறது. பிரபல தயாரிப்பாளர் ஐசரி கணேஷ் அவர்களுடைய வேல்ஸ் பிலிம்ஸ் இன்டர்நேஷனல் நிறுவனம் தான் இந்த திரைப்படத்தை தயாரித்து வழங்கியது. 

அதே போல பிரபல இயக்குனர் கோகுல் இந்த திரைப்படத்தை இயக்கியுள்ளார், முன்னணி நடிகர்கள் சத்யராஜ் மற்றும் லால் உள்ளிட்ட பல நடிகர்கள் சிங்கப்பூர் சலூன் படத்தில் நடித்துள்ளது குறிப்பிடத்தக்கது. இப்படம் விமர்சன ரீதியாகவும் வசூல் ரீதியாகவும் நல்ல வரவேற்பை பெற்று வரும் நிலையில், இந்த படத்திற்காக சுமார் 7 கோடி ரூபாய் சம்பளமாக ஆர்.ஜே பாலாஜி அவர்கள் பெற்றதாக கூறப்படுகிறது.