விலங்குகளின் காவலனா இந்த 'கர்ணன்'...! டீஸருடன் வெளியானது ரிலீஸ் தேதி..!

நடிகர் தனுஷ், இயக்குனர் மாரி செல்வராஜ் இயக்கத்தில் நடித்துள்ள, 'கர்ணன்' படத்தின் ரிலீஸ் தேதியை டீஸருடன் வெளியிட்டுள்ளது படக்குழு. 

'பரியேறும் பெருமாள்' படத்தின் வெற்றியை தொடர்ந்து, இயக்குனர் மாரிசெல்வராஜ் - தனுஷ் கூட்டணியில் முதன் முறையாக உருவாகியுள்ள 'கர்ணன்' திரைப்படம் ரசிகர்களிடையே மிகப்பெரிய எதிர்பார்ப்பை ஏற்படுத்தியுள்ளது. கலைப்புலி தாணு தயாரித்துள்ள இந்த படத்திற்கு சந்தோஷ் நாராயணன் இசையமைத்துள்ளார்.

நெல்லை அருகே செட் அமைத்து நடைபெற்று வந்த “கர்ணன்” பட ஷூட்டிங் டிசம்பர் மாதம் நிறைவடைந்த நிலையில், போஸ்ட் புரொடக்‌ஷன் பணிகள் தீவிரமாக நடைபெற்று வந்தந்து. விரைவில் அனைத்து பணிகளும் முடிக்கப்பட உள்ள நிலையில், இந்த படத்தின் ரிலீஸ் தேதியை படக்குழு டீஸருடன் வெளியிட்டுள்ளனர்.

தன்னுடைய உரிமைக்காக போராடும் சாமானியன் ஒருவனை பற்றி எடுக்கப்பட்டுள்ள இந்த படத்தின், டீசரில்... குதிரை, யானை, நாய் போன்ற விலங்குகள் காட்டப்படுகிறது. பின்னர் நடிகர் தனுஷ் வாளுடன், ஓடி வந்து மலை மேல் நின்று, தன்னுடைய கையில் உள்ள வாளை உயர்த்தி காட்டுவது போன்றும் உள்ளது. இத்துடன், 'கர்ணன்' திரைப்படம் ஏப்ரல் மாதம் திரையரங்கில் வெளியாகும் என அறிவித்துள்ளனர்.

முதல் படத்திலேயே... ஒட்டு மொத்த ரசிகர்களையும் திரும்பி பார்க்க வைத்த இயக்குனர் மாரி செல்வராஜ், தனுஷுடன் இணைந்து பணியாற்றியுள்ளதால் இந்த படத்தின் மீதான எதிர்பாப்பு ரசிகர்கள் மத்தியில் அதிகரித்துள்ளது.