இஸ்பேடு ராஜா இயக்குநரின் புதிய படத்தில் நடிக்கும் பிக்பாஸ் பிரபலம்! பூஜையும் போட்டாச்சு...!

'மக்கள் செல்வன்' விஜய்சேதுபதி நடிப்பில் வெளியான 'மெல்லிசை' படம் மூலம், தமிழ் திரையுலகுக்கு இயக்குநராக அறிமுகமானவர் ரஞ்சித் ஜெயக்கொடி. 

பின்னர், 'பிக்பாஸ்' புகழ் ஹரீஷ் கல்யாணை வைத்து அவர் இயக்கிய 'இஸ்பேடு ராஜாவும் இதய ராணியும்' படம் இளைஞர்களிடையே நல்ல வரவேற்பை பெற்றது. 

இவ்விரு படங்களின் மூலம் கவனம் ஈர்த்த ரஞ்சித் ஜெயக்கொடி, தனது அடுத்த படைப்பை பூஜையுடன் தொடங்கியுள்ளார். தற்காலிகமாக ’புரடக்‌ஷன் நம்பர் ஒன்’ என்று பெயரிடப்பட்டிருக்கும் இப்படத்தை Third Eye Entertainment நிறுவனம் தயாரிக்கிறது.

பெண்களுக்கு முக்கியத்துவம் வாய்ந்த கதையுடன் உருவாகும் இந்தப்படத்தில், 'பிக்பாஸ்' புகழ் பிந்து மாதவி, தர்ஷணா பனிக் ஆகியோர் லீட் கேரக்டர்களில் நடிக்கின்றனர். ரஞ்சித் ஜெயக்கொடியின் முந்தைய படங்களிலிருந்து முற்றிலும் மாறுபட்ட ஒரு திரில்லர் கதையாக இந்தப் படம் இருக்கும் என  படக்குழு தெரிவித்துள்ளது.