ஐந்து புரோகிதர்கள் மந்திரம் ஓத.. இந்து முறைப்படி நயன்தாரா கழுத்தில் தாலி கட்டிய விக்னேஷ் சிவன்.

ஐந்து புரோகிதர்கள் மந்திரம் ஓத இந்து முறைப்படியே நயன்தாராவின் திருமணம் நடந்தது. நடிகை நயன்தாராவை 6 வருடங்களாக காதலித்து வந்த நிலையில் விக்னேஷ் சிவனுக்கும் நயன்தாராவுக்கும் இன்று இந்து முறைப்படி திருமணம் நடந்தது.

எப்போது நயன்தாரா திருமணம் செய்து கொள்ளப் போகிறார் என்ற எதிர்பார்ப்பு அவரது ரசிகர்கள் மத்தியில் இருந்து வந்த நிலையில், அவரது ஆறு ஆண்டுகால காதலன் விக்னேஷ் சிவன் இன்று அவரது கழுத்தில் தாலி கட்டினார். நடிகை நயன்தாரா இயக்குனர் விக்னேஷ் சிவன் திருமணம் மாமல்லபுரம் அருகேயுள்ள கடற்கரையில் உள்ள நட்சத்திர விடுதியில் இன்று நடைபெற்றது. திருமணத்திற்கு பிரமாண்ட ஏற்பாடுகள் செய்யப்பட்டிருந்தது. பல லட்சங்கள் செலவு செய்து கண்ணாடி மாளிகை போன்ற அரங்கு அமைக்கப்பட்டது. அதில் இன்று காலை  10.20 மணிக்கு நயன்தாராவின் கழுத்தில் விக்னேஷ் சிவம் தாலி கட்டினார். அவரின் திருமணப் பேச்சுக்கள் கடந்த ஒரு ஆண்டுகளாகவே தீவிரமாக அடிப்பட்டு வந்தது.இந்நிலையில் கோலாகலமாக அவர்களது திருமணம் நடந்தது.

நேற்று நடைபெற்ற மெஹந்தி திருவிழாவில் அவரது நெருங்கிய நண்பர்கள் மற்றும் குடும்ப உறுப்பினர்கள் மட்டும் கலந்து கொண்டனர். திருமண நிகழ்ச்சிக்கு  முக்கிய பிரமுகர்கள், பிரபலங்கள் மட்டுமே அழைக்கப்பட்டிருந்தனர், கிட்டத்தட்ட 200 முக்கிய பிரபலங்களுக்கு அழைப்பு விடுக்கப்பட்டது. சூப்பர் ஸ்டார் ரஜினிகாந்த் பாலிவுட் நடிகர் ஷாருக்கான், விஜய் சேதுபதி, சரத்குமார், இயக்குனர் மணிரத்னம், சிவகார்த்திகேயன் போன்றோர் கலந்து கொண்டனர். அதேநேரத்தில் நெட் பிளிக்ஸ் நிறுவனம் திருமண விழா விற்பனை உரிமை பெற்றுள்ளது. இதனால் திருமண நிகழ்ச்சயில் ஏராளமாக கட்டுப்பாடுகள் விதிக்கப்பட்டிருந்தது.

திருமணத்திற்கு வருபவர்கள் செல்போன் எடுத்து வரக்கூடாது, புகைப்படம் எடுக்கக் கூடாது போன்ற கட்டுப்பாடுகள் விதிக்கப்பட்டிருந்தன. ஆனால் அதையும் மீறி நயன்தாரா விக்னேஷ் சிவன் திருமண புகைப்படங்கள் கசிந்துள்ளது. அவரது திருமணம் இந்து முறைப்படியா அல்லது கிறிஸ்தவ முறைப்படி நடக்குமா? என கேள்வி இருந்து வந்த நிலையில் ஐந்து புரோகிதர்களை கொண்டு மந்திரம் ஓதப்பட்டு, இந்து முறைப்படி நடந்தது குறிப்பிடதக்கது.