ரிலீஸ் ஆகும் முன்னரே இணையத்தில் லீக் ஆனது மோகன்லாலின் எம்புரான் டிரைலர்

பிருத்விராஜ் சுகுமாரன் இயக்கத்தில் மோகன்லால் நடித்துள்ள எம்புரான் திரைப்படத்தின் டிரைலர் லீக் ஆனதால் வேறு வழியின்றி படக்குழுவே வெளியிட்டுள்ளது.

Empuraan Trailer Leaked : மோகன்லாலின் எம்புரான் டிரைலர் இன்று மதியம் 1.08 மணிக்கு வெளியாகும் என்று அறிவிக்கப்பட்டிருந்தது. ஆனால் அதற்கு முன்னதாகவே எம்புரான் டிரைலர் வெளியானது. கசிந்துவிடும் என்று தெரிந்ததால் முன்னதாகவே வெளியிடப்பட்டதாக சமூக வலைதளங்களில் தகவல் பரவி வருகிறது. இதுகுறித்து அதிகாரப்பூர்வ தகவல் எதுவும் வெளியாகவில்லை.

எம்புரான் திரைப்படம்

தென்னிந்திய சினிமா ரசிகர்களும், ரசிகர்களும் ஆவலுடன் எதிர்பார்த்து காத்துக்கொண்டிருக்கும், ஆசிர்வாத் சினிமாஸ், ஸ்ரீ கோகுலம் மூவிஸ் தயாரிப்பில் மோகன்லால் நடித்துள்ள எம்புரான் திரைப்படம் மார்ச் 27ஆம் தேதி உலகம் முழுவதும் வெளியாகிறது. மலையாளம், தமிழ், தெலுங்கு, ஹிந்தி, கன்னடம் ஆகிய மொழிகளில் பான் இந்திய திரைப்படமாக வெளியாகவுள்ள இப்படத்தை பிருத்விராஜ் சுகுமாரன் இயக்கியுள்ளார், முரளி கோபி எழுதியுள்ளார். 2019ல் வெளியான பிளாக்பஸ்டர் திரைப்படமான லூசிபரின் இரண்டாம் பாகமாக உருவாகும் எம்புரான் படத்தை ஆசிர்வாத் சினிமாஸ், ஸ்ரீ கோகுலம் மூவிஸ் சார்பில் ஆண்டனி பெரும்பாவூர், கோகுலம் கோபாலன் ஆகியோர் இணைந்து தயாரித்துள்ளனர். 

குரேஷி-அப்ராம் / ஸ்டீபன் என்ற முக்கிய கதாபாத்திரத்தில் மோகன்லால் நடிக்கும் இப்படத்தில் பிருத்விராஜ், மஞ்சு வாரியர், டொவினோ தாமஸ், இந்திரஜித் சுகுமாரன், சுராஜ் வெஞ்சாரமூடு உள்ளிட்ட பல முன்னணி நட்சத்திரங்கள் நடித்துள்ளனர். கேம் ஆஃப் த்ரோன்ஸ் மூலம் உலகப் புகழ் பெற்ற ஜெரோம் ஃபிளின் இப்படத்தில் நடித்திருப்பது படத்திற்கு சர்வதேச அங்கீகாரத்தை அளித்துள்ளது.

இதையும் படியுங்கள்... புர்ஜ் கலிஃபாவில் சொந்த அபார்ட்மெண்ட்... கோடிகளில் புரளும் மோகன்லால் இத்தனை கோடி சொத்துக்களுக்கு அதிபதியா?

எம்புரான் அப்டேட்

2023 அக்டோபர் 5ஆம் தேதி ஃபரிதாபாத்தில் படப்பிடிப்பு தொடங்கிய எம்புரான், அமெரிக்கா, இங்கிலாந்து, யுஏஇ, சென்னை, மும்பை, குஜராத், லடாக், கேரளா, ஹைதராபாத், ஷிம்லா, லே உள்ளிட்ட பல்வேறு இடங்களில் படமாக்கப்பட்டுள்ளது. தீபக் தேவ் இசையமைத்துள்ள இப்படத்திற்கு சுஜித் வாசுதேவ் ஒளிப்பதிவு செய்துள்ளார், படத்தொகுப்பை அகிலேஷ் மோகன் மேற்கொண்டுள்ளார். மோகன்தாஸ் கலை இயக்கம் செய்துள்ளார், ஸ்டண்ட் சில்வா சண்டை காட்சிகளை வடிவமைத்துள்ளார். 

2025 ஜனவரி 26ஆம் தேதி முதல் டீசர் வெளியானதிலிருந்து படத்தின் விளம்பர பணிகள் தொடங்கப்பட்டன, மேலும் கதாபாத்திரங்களை அறிமுகப்படுத்தும் விதமும் அனைவரின் கவனத்தையும் ஈர்த்தது. ஒவ்வொரு நடிகர்களும் தங்கள் கதாபாத்திரங்களைப் பற்றி பேசும் வீடியோக்கள் பிப்ரவரி 9 முதல் வெளியிடப்பட்டன,

எம்புரான் ரிலீஸ் எப்போது?

அது பிப்ரவரி 26 அன்று மோகன்லாலின் கேரக்டர் போஸ்டர், வீடியோவுடன் முடிந்தது. மோகன்லால் நடிக்கும் ஸ்டீபன் நெடும்பள்ளி/குரேஷி அப்ராம், பிருத்விராஜ் நடிக்கும் சையத் மசூத் ஆகியோரின் கேரக்டர் போஸ்டர்கள் மற்றும் வீடியோக்கள் பிப்ரவரி 26 அன்று வெளியானது. ஒவ்வொரு நாளும் இரண்டு கதாபாத்திரங்கள் வீதம் 18 நாட்களில் 36 கதாபாத்திரங்களை பார்வையாளர்களுக்கு அறிமுகப்படுத்தினர். மலையாளம், தமிழ், தெலுங்கு, ஹிந்தி, கன்னடம் ஆகிய மொழிகளில் மார்ச் 27ஆம் தேதி வெளியாகவுள்ள இப்படம், ஒரு மலையாள படத்திற்கு கிடைக்கவுள்ள மிகப்பெரிய பான் இந்திய, உலகளாவிய வெளியீடாக இருக்கும். இப்படத்தின் மூன்றாம் பாகத்தில் மோகன்லால், பிருத்விராஜ், முரளி கோபி, தயாரிப்பாளர்களில் ஒருவரான ஆண்டனி பெரும்பாவூர் உள்ளிட்டோர் நடிப்பதை உறுதி செய்துள்ளனர். இந்நிலையில் எம்புரான் படத்தின் தமிழ் டிரைலரை சூப்பர்ஸ்டார் ரஜினிகாந்த் வெளியிட்டுள்ளார். அந்த டிரைலர் வைரலாகி வருகிறது.

இதையும் படியுங்கள்... குட்டி தேவதைகளுடன் எளிமையாக பிறந்தநாள் கொண்டாடிய மோகன் லால்! புகைப்படத்துடன் வெளியிட்ட டச்சிங் பதிவு!