Madhumitha baby shower: விரைவில் தாயாகும் பிக்பாஸ் புகழ் மதுமிதா...பகிர்ந்த கியூட்டான வளைகாப்பு வீடியோ..

Madhumitha baby shower: பிக்பாஸ் புகழ் மதுமிதா, திருமணத்திற்கு பிறகு கடந்த 3 ஆண்டுகள் கழித்து கர்ப்பமாகியுள்ளார். அவரின்  வளைகாப்பு வீடியோ இணையத்தில் வைரலாகி வருகிறது. 

முதன் முதலில், லொள்ளு சபா, சின்ன பாப்பா பெரிய பாப்பா போன்ற நிகழ்ச்சிகளில் சின்ன சின்ன ரோல்களில் நடித்து தமிழ் மக்கள் மத்தியில் அறியப்பட்டார். இவரின் திறமையான நடிப்பால் சினிமா வாய்ப்புகள் தேடி வர ஆரம்பித்தது. 

மதுமிதா திருமணம்:

இதையடுத்து, ஒரு கல் ஒரு கண்ணாடி படம் மூலம் தமிழ் சினிமாவில், காமெடி நடிகையாக மதுமிதா எண்ட்ரி கொடுத்தார். இந்த படத்தில் மூலம் இவருக்கு பாராட்டுக்கள் கிடைத்தது அத்துடன் ஜாங்கிரி மதுமிதா என்ற செல்ல பெயரும் வந்து சேர்ந்தது. 

இதையடுத்து, இவர் கடந்த 2019ம் ஆண்டு அவருடைய உறவினரான மோசஸ் ஜோயல் என்பவரை திருமணம் செய்து கொண்டார். 

பிக்பாஸ் நிகழ்ச்சியில் மதுமிதா:

திருமணத்திற்கு பிறகு படங்களில் கமிட்டாகி நடித்து வந்த மதுமிதா பிக்பாஸ் சீசன் 3 நிகச்சியில் 16 போட்டியாளர்களுடன் ஒருவராக கலந்துகொண்டார். பிக்பாஸ் வீட்டில் தொடர்ந்து பிரச்சனைகள் சந்தித்த இவர், தற்கொலை முயற்சி செய்துகொண்டு போட்டியைவிட்டு வெளியேறினார்.

வெளியே வந்த அவர், பத்திரிகையாளர் சந்திப்பில் வீட்டில் உள்ள பலரும் தன்னை மனரீதியாக தொல்லை கொடுத்ததால் தான் கையை கத்தியால் அறுத்துக்கொள்ள முயன்றதாக தெரிவித்தார். இந்த செய்தி காட்டு தீ போல் சமூக வலைத்தளங்களில் பரவியது. 

மதுமிதா வளைகாப்பு வீடியோ:

இதையடுத்து, பொது நிகழ்ச்சிகள் எதிலும், கலந்து கொள்ளாமல் சரி வர பட வாய்ப்புகள் இல்லாமல் இருந்த மதுமிதா தற்போது திருமணத்திற்கு பிறகு கடந்த 3 ஆண்டுகள் கழித்து கர்ப்பமாகியுள்ளார்.

இதையடுத்து, தற்போது சீமந்தம் நடந்து முடிந்துள்ளது இது தொடர்பான புகைப்படங்கள் வீடியோக்கள் இணையத்தில் வைரலாகி வருகிறது.