'பலூன்' படத்தின் டப்பிங் பணியில் அஞ்சலி!

Anjali started Ba-loon movie dubbing

புதுமுக இயக்குநர் சினிஷ் இயக்கத்தில் ஜெய், அஞ்சலி, மற்றும் ஜனனி ஐயர் இணைந்து நடித்திருக்கும் படம் `பலூன்’. இந்த படம் காதல் கலந்த திகில் படமாக உருவாகியுள்ளது. 

கடந்த 2011-ஆம் ஆண்டு வெளியாகி நல்ல வரவேற்பை பெற்ற ‘எங்கேயும் எப்போதும்’ படத்திற்கு பின்னர் ஜெய் மற்றும் அஞ்சலி மீண்டும் 'பலூன்' திரைப்படத்தில் இணைத்து நடித்துள்ளதால் இப்படத்தின் மீதான எதிர்பார்ப்பு ரசிகர்கள் மத்தியில் அதிகமாகவே இருக்கிறது. மேலும் ஜெய் இந்த படத்தில் 3 வித்தியாசமான கதாபாத்திரங்களில் நடித்திருக்கிறார்.

தற்போது படப்பிடிப்பு முடிந்து போஸ்ட் ப்ரோடக்ஷன் பணிகள் மிகவும் விறுவிறுப்பாக நடைபெற்று வருகிறது.  

இந்நிலையில் அஞ்சலி இந்த படத்தில் இவர் நடித்துள்ள கதாபாத்திரத்திற்கான டப்பிங் பணியை தொடங்கியிருக்கிறார் . இதனை தனது சமூக வலைத்தளத்தில் புகைப்படத்துடன் பதிவு செய்திருக்கிறார்.