Pushpa Trailer : கொல மாஸ்.... இப்படி ஒரு வாய்ப்ப மிஸ் பண்ணிட்டாரே விஜய் சேதுபதி - வைரலாகும் புஷ்பா டிரெய்லர்

அல்லு அர்ஜுன் நடிப்பில் உருவாகி உள்ள புஷ்பா படம் தமிழ், தெலுங்கு, மலையாளம், கன்னடம், இந்தி என மொத்தம் ஐந்து மொழிகளில் வெளியாக உள்ளது. 

பிரபல தெலுங்கு இயக்குனர் சுகுமார் இயக்கத்தில், அல்லு அர்ஜுன் நடித்துவரும் படம் 'புஷ்பா'. இந்த படத்தில் அல்லு அர்ஜுனுக்கு ஜோடியாக நடிகை ராஷ்மிகா மந்தனா நடித்துள்ளார். இப்படம் முழுக்க முழுக்க செம்மரக்கடத்தலை மையமாக வைத்தும்...  அவர்களுடைய வாழ்க்கையை எடுத்துக் கூறும் வகையிலும் எடுக்கப்பட்டுள்ளது.  

இப்படத்தில் அல்லு அர்ஜுன் லாரி டிரைவராகவும், மரம் கடத்துபவராகவும் இதுவரை நடித்திராத வித்தியாசமான கதாபாத்திரத்தில் நடித்துள்ளார். மேலும் பிரபல மலையாள நடிகர் பகத் பாசில் மிரட்டல் வில்லனாக போலீஸ் அதிகாரி வேடத்தில் நடித்துள்ளார். முதலில் இந்த வேடத்தில் நடிக்க விஜய் சேதுபதி ஒப்பந்தமாகி இருந்தார். பின்னர் கால்ஷீட் பிரச்சனையால் அவர் விலகியதால் அவருக்கு பதில் பகத் பாசில் ஒப்பந்தமானார். 

இதுதவிர ஜெகபதி பாபு, பிரகாஷ்ராஜ், ஹரிஷ் உத்தமன், கிஷோர் உள்ளிட்ட பலர் முக்கிய கதாபாத்திரங்களில் நடித்துள்ளனர். தமிழ், தெலுங்கு, மலையாளம், கன்னடம், இந்தி என மொத்தம் ஐந்து மொழிகளில் இப்படம் வெளியாக உள்ளது. தேவி ஸ்ரீ பிரசாத் இப்படத்திற்கு இசையமைத்துள்ளார். 

புஷ்பா படத்தின் டிரெய்லர் இன்று மாலை 6 மணிக்கு வெளியாகும் என அறிவிக்கப்பட்டு இருந்தது. ஆனால் தொழில்நுட்ப கோளாறு காரணமாக திட்டமிட்டபடி வெளியிடப்பட வில்லை. இதையடுத்து அந்த கோளாறு சரிசெய்யப்பட்டு, தற்போது இரவு 10 மணியளவில் இந்த டிரெய்லர் வெளியிடப்பட்டது. 

பிரம்மிப்பூட்டும் காட்சிகளுடன் அதிரடி, ஆக்‌ஷன் நிறைந்த இந்த டிரெய்லர் மாஸாக உள்ளதால் ரசிகர்களிடையே நல்ல வரவேற்பை பெற்று வருகிறது. இரண்டு பாகமாக இப்படம் வெளியாக உள்ளது. முதல் பாகம் வருகிற டிசம்பர் மாதம் 17-ந் தேதி கிறிஸ்துமஸ் பண்டிகையை ஒட்டி ரிலீசாக உள்ளது. இரண்டாம் பாகத்தை அடுத்தாண்டு வெளியிட உள்ளனர்.