முதல் படமான சிந்து சமவெளியில் தொடங்கி கடைசியாக வெளிவந்த ஆடை திரைப்படம் வரை கனமான பாத்திரங்களை ஏற்று நடித்துள்ள அமலா பால், புதிய படத்திலும் மற்றொரு அவதாரம் எடுத்திருக்கிறார்.
முதல் படமான சிந்து சமவெளியில் தொடங்கி கடைசியாக வெளிவந்த ஆடை திரைப்படம் வரை கனமான பாத்திரங்களை ஏற்று நடித்துள்ள அமலா பால், புதிய படத்திலும் மற்றொரு அவதாரம் எடுத்திருக்கிறார்.
தமிழில் முன்னணி நடிகைகளில் ஒருவரான அமலா பால் இன்று தமது பிறந்தநாளை கொண்டாடி வருகிறார். கடைசியாக அவரது நடிப்பில் வெளியான ஆடை திரைப்படம் நல்ல வரவேற்பை பெற்ற நிலையில் அவரது அடுத்த திரைப்படம் குறித்து ரசிகர்கள் எதிர்பார்த்து காத்திருந்தனர். அவர்களது பசிக்கு தீனிபோடும் விதமாக அமலாபாலின் பிறந்த தினத்தில் புதிய திரைப்படத்தின் பர்ஸ்ட் லுக் போஸ்டர் வெளியாகியிருக்கிறது.
ஆடை படத்திற்குப் பின்னர் இடைவெளி விட்ட அமலாபால், அனூப் எஸ் பானிக்கர் இயக்கத்தில் காடவர் என்ற படத்தில் நடித்து வருகிறார். இந்த படத்தை அமாலா பாலின் தயாரிப்பு நிறுவனமே தயாரித்து வெளியிடுகிறது. கதாநாயகிக்கு முக்கியத்துவம் அளிக்கும் இப்படத்தில் அமலா பால் ஒரு போரன்ஸிக் சர்ஜனாக நடித்திருக்கிறார்.
போரன்ஸிக் சர்ஜனாக நடிப்பதற்கு ஒரு மருத்துவமனையில் ஒரு வாரம் அமலாபால் பயிற்சி எடுத்ததாகவும், பிரத்யேகமாக ஒரு சில மருத்துவர்களிடம் பயிற்சி பெற்று படத்தில் நடித்திருப்பதாகவும் கூறப்படுகிறது. அமலாபால் பிறந்தநாளையொட்டி காடவர் படத்தின் பர்ஸ்ட் லுக் போஸ்டர் வெளியிடப்பட்டுள்ளது.
பிணங்களுக்கு நடுவே அமர்ந்தபடி, அமலாபால் உணவு சாப்பிடும் புகைப்படம் பார்ப்பதற்கே திகிலாக உள்ளது. க்ரைம் திரில்லர் படத்தில் அமலாபாலின் முதல் தோற்றமே எதிர்பார்ப்புகளை அதிகரித்துள்ளது.