பிரபல நடிகர் மருத்துவமனையில் மரணம்… சோகத்தில் திரையுலகம்

பிரபலமான கன்னட நடிகர் சத்யஜித் உடல்நலக்குறைவால் காலமானார். அவருக்கு வயது 72.

கன்னட திரையுலகில் நடிகர் சத்யஜித்தை தெரியாதவர்கள் யாரும் இருக்க முடியாது. நீரிழிவு நோயால் கடுமையாக அவதிப்பட்டு கொண்டிருந்த அவர் பெங்களூருவில் உள்ள மருத்துவமனையில் சிகிச்சைக்காக சேர்க்கப்பட்டு இருந்தார்.

ஆனால் சிகிச்சை பலனின்றி அவர் காலமானார். 650க்கும் மேற்பட்ட படங்களுக்கும் மேலாக நடித்து ரசிகர்களின் மனங்களை கவர்ந்தவர். அவரது இயற்பெயர் சையத் நிஜாமுதின்.

ஆப்தமித்ரா, புத்நஞ்சா, பிரேமாஞ்சலி என பல படங்களில் நடித்து புகழ் பெற்றவர். அதிகளவு வில்லன் கதாபாத்திரங்களையே ஏற்று நடித்தவர். அவரின் மறைவு கன்னட திரையுலகில் பெரும் சோகத்தை ஏற்படுத்தி இருக்கிறது.  

பிரபல நடிகை சுமலதா உள்ளிட்ட பல்வேறு தரப்பினர் அவரது மறைவுக்கு ஆழ்ந்த இரங்கல் தெரிவித்துள்ளனர்.